Pùgn

(Reindirizzamento da Pugn)

C'l artìcol chè 'l è scrit in Carpśàn Emiliàn

Un pùgn ed 'n òm disgnê da tri cô.
Un sîg ed cuntintèsa a Wikimania 2013.


Al pùgn (pugno in itagliàṅ) 'l è la maṅ quand l'è sarèda sù cui tgnû stric a 'l in dèinter.

A s tira di pùgn (ciamê anc casôt, cazzotti in itagliàṅ) a 'n quelcdùn per picèr-el o quand a s fà dla box c'ma sport. Diferèint, sàinsa i piciamèint, a s léva in élt al pùgn p'r un tîp ed salùt, per sighèr na vitòria, per dla cuntintèsa, o s'ocòr a s bàt al pùgn col pùgn ed quelcdùn èter c'ma na cumplimeintasiòun śbarasèina.
Al pùgn al selta fóra anca in na quelc bandéra o manifèst cuma sìmbol ed lòta, ed forsa, c'ma in dla bandéra dal Partî Radichêl, p'r eśèimpi.

Manéri 'd dir

  • (EGL) Tgnìr al pùgn alvê, (IT) Tenere in alto il pugno in segno di saluto (comunista).
  • (CARPŚ) 'L è 'n pùgn in dal stòmeg, (IT) (lett.) È un pugno allo stomaco", (fig.) É bruttissimo.[1].
  • (EGL) Tirèr di pùgn a drìta e a manca, (IT) Tirare dei pugni a destra e a sinistra.
  • (EGL) Un pùgn ed farèina, (IT) Una manciata di farina[2].
  • (EGL) (vulg.) Fèr-es dal pugnèti ('d chi òm), (IT) Masturbarsi (dei maschi)[3].
  • (EGL) I 'l àn impinî 'd casôt, (IT) L'hanno riempito di pugni.
  • (EGL) Fèr a casôt, (IT) Fare a pugni.
  • (BLG) Avair la nûṡ ch'la pèra a nâna,[4] (IT) (lett.) Avere la noce (pugno) che conduce a nanna, (fig.) Avere il pugno che stende.

Vōś lighèdi

Èter progêt

Colegamèint estèren

Noti e referèinsi

  1. (CARPŚ) e (IT) Dizionario del dialetto carpigiano, G. Malagoli e A. M. Ori, Mòdna 2011.
  2. Ibidem.
  3. Ibidem.
  4. (BLG) e (IT) "Dizionario Bolognese-Italiano" di Gigén Lîvra e Daniēl Vidêl, Milàṅ, 2012.