C'l artìcul chè 'l è scrit in Miranduléś Emiliàn

Psycho IV: The Beginning
Psycho IV

Henry Thomas in na figùra dal film
Psycho IV: 'L inìsi
1990
Regìa: Mick Garris
Scritōr: Joseph Stefano • Robert Bloch
Atōr: Anthony PerkinsOlivia HusseyKurt Paul
Henry ThomasCCH PounderWarren Frost
Donna MitchellJohn LandisCynthia Garris
Müsica: Graeme Revell • Bernard Herrmann
Léngua: Ingléś
Dürä dal film: 96 minüt
Nasiōṅ: Stat Unî


«
A î cgnusû Norman... adès a cgnusarî la màdar.»
(Tagline dal film)


Psycho IV (Psycho IV: 'L inìsi) 'l è 'n film thriller dal 1990 ad Mick Garris fat par la televiśiòṅ. 'L è al capìtul finàl dla saga ad Psyco, tacàda cun al capulavōr Psyco 'd Alfred Hitchcock dal 1960 e pò purtàda avànti da Psycho II dal 1983, girâ par Richard Franklin, e da Psycho III dal 1986, par la regìa 'd Anthony Perkins.

Al film al cònta la giunésa ad Norman Bates insém a sò màdar Norma prima che lò al la vlinìs.

Sunt

Al set ad Psycho a Hollywood

Durànt un prugràma a la ràddio in dua a s dascór dal madarsìdi, quànd un fiōl a cópa sò màdar, a ciàma in traśmisiòṅ Norman Bates (Anthony Perkins) dgénd ch'al s ciàma Ed, ch'l à bèla masâ e ch'l al farà incóra.

Qvéi dla ràddio i tàc'n a far-ag dal dmandi par tgnir-al impgnâ e Norman al cònta la sò vita da quànd 'l éra un baghét (Henry Thomas), tacàd da la mòrt ad sò pàdar, par pasàr pò a cuntàr quèl anc ad sò màdar Norma (Olivia Hussey) ch'la n 'l à mai vlû e ch'la gh dava adòs quànd la 'l bcava a lèśar al rivìsti malnéti. Norman 'l arcòrda anc quànd al l'à cupàda dand-ag da bévar, a lē e a 'l sò amànt, dal vlèṅ misćiâ in dal tè.

Adès Bates, ch'al s è spuśâ in cal méntar, al vrév masàr sò mujér, ch'la gh'à 'd avér un putèṅ, parchè al n vōl briśa che sò fiōl al dvintìs cuma lò.

Culegamènt estéran