Progeny - Il figlio degli alieni
|
C'l artìcul chè 'l è scrit in
Miranduléś |
 Progeny
| ||
| Progeny - Il figlio degli alieni | ||
 Arnold Vosloo e la McWhirter in na figùra dal film | ||
| Progeny - Al fiōl di aglièṅ 1998 | ||
|---|---|---|
| Regìa: Brian Yuzna | ||
| Scritōr: Stuart Gordon • Aubrey Solomon | ||
| Atōr: Arnold Vosloo • Jillian McWhirter • Don Calfa Brad Dourif • Lindsay Crouse • Wilford Brimley Willard E. Pugh • David Wells • Timilee Romolini | ||
| Müsica: Steve Morrell | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî | ||
Progeny - Il figlio degli alieni (Progeny - Al fiōl di aglièṅ) 'l è 'n film fanta-sientìfic ad scarésa dal 1998 ad Brian Yuzna scrit par Stuart Gordon e Aubrey Solomon.
'L è stâ girâ in Califòrgna c'n un budget stimâ ad dū migliòṅ e mèś ad dòlar.
Sunt
La Sherry (Jillian McWhirter), dóna in caréra, l'è 'd un cuntènt quànd la vîṅ a savēr ch'la spèta 'n putèṅ da sò marè, al cirùśig Craig Burton (Arnold Vosloo), ch'al cardìva invéci 'd èsar stèril. Quànd i fànan n'ecugrafìa però a salta fóra ch'al putèṅ 'l è dasfurmâ e a i dū a gh vîṅ in mènt un brut arbgàt ch'i ìv'n abû a prupòśit dla nòt dal cuncepimènt.
La dóna, ch'la créd 'd avēr un quèl aglièṅ in dla pansa, la và da la dutōra terapìsta Susan Lamarche (Lindsay Crouse) ch'l'è sicûra ch'la Sherry la gh'àppia un prubléma psiculògic cauśâ da Craig in parsòna.
La còpia la dmanda ajùt a 'n prufesōr universitàri espèrt in UFO, al dutōr Bert Clavell (Brad Dourif), ch'al l'ipnutìśa par rénd'r-as cònt ad qvél ch'l è sucès cla nòt là.