Apri il menu principale

C'l artìcul chè 'l è scrit in Miranduléś Emiliàn

Video-x-generic.svg Platoon
Platoon
Platoon.png
Charlie Sheen in na figùra dal film
Plutòṅ
1986
Regia: Oliver Stone
Scritùr: J. Campbell Bruce • Richard Tuggle
Atùr: Charlie SheenWillem DafoeKevin Dillon
Tom BerengerJohn C. McGinleyKeith David
Johnny DeppForest WhitakerFrancesco Quinn
Müsica: Georges Delerue • Budd Carr
Lengua: IngléśVietnaméś
Dürä dal film: 120 minüt
Nasiòṅ: Stat Unî


«
La prima vitma dla guèra l'è l'inusénsa!»
(Tagline dal film)


Platoon (Plutòṅ) 'l è 'n film ad guèra dal 1986 'd Oliver Stone ambintâ a i tèmp dal Vietnam e al cònta di fat sucès dabòṅ a 'l regìsta ch'al gh'iva tòlt part in di an 1967 e 1968. 'L à purtâ a cà quàtar Prèmi Òscar, anc film e regìa, su òt nomination. Stone 'l à vins anc 'l Órs 'd Argìnt a 'l Fèstival ad Berlîṅ par la regìa.

Al film 'l à muciâ sù da piò ad sènt-trént'òt migliòṅ ad dòlar a frònt 'd un cóst ad siē.

Sunt

In dal Setémbar dal 1967,dòp avér lasâ al college, al śóvan Chris Taylor (Charlie Sheen) al decìd ad far part cuma vuluntàri d'l eśèrcit americàṅ p'r andàr a far la guèra in Vietnam. I sò cap là i èṅ i sergìnt Elias Grodin (Willem Dafoe) e Bob Barnes (Tom Berenger), al prim al fuma dla marijuàna par tiràr-as sù e al gh'à in mènt sōl 'd armàgnar viṿ, lò e i sò suldâ, al secónd 'l è invéci 'n sangvinàri sénsa cōr ch'al vōl sōl vìnsar. A 'l inìsi Chris al gh'à di còmpit ad “search and destroy” (“cata e fà fóra”). Al ragàs al capìs prèst che la guèra 'l è 'n infèran e ch'i suldâ i èṅ sōl dal màchini par cupàr.

In dal Śnar dal 1968, durànt un gir ad perlustrasiòṅ, dū suldâ, Sanderson (J. Adam Glover) e Sal (Richard Edson), i finìs'n in trapla e i mōran p'r un sćiòp ch'l i bruśa viṿ. 'N àtar, Manny (Corkey Ford), invéci al vèṅ inciuldâ a 'n àrbul cun la góla tajàda. Gl'americàṅ i s arlìan e i mét'n in at subìt la sò vindéta andànd in un vilàǵ a catàr sù dla gint ch'la n iva fat gnint par masàr-i sénsa mutìṿ. In cal méntar a riva lè al sergìnt Elias ch'al mét al maṅ adòs a Barnes par qvél ch'l à fat pròpria quànt Chris al dà a mènt a qvél ch'a sucéd lè 'd intóran: masamènt ad masa, dóni ciulàdi cun la fòrsa, capàni bruśàdi, c'n al tenènt ch'al n diś gnint.

Al capitàṅ Harris (Dale Dye) al fà inténdar ch'a gh'è la cōrt marsiàla p'r i respunsàbii s'a salta fóra ch'al masèl 'l è stâ fat sénsa di mutìṿ vàlid. Par paùra che Elias al vaga a dir qvél ch'è sucès dabòṅ, Bob 'l al cata e al gh tira 'n cōlp ad sćiòp.

Culegamènt estéran