C'l artìcul chè 'l è scrit in Miranduléś Emiliàn

Picnic at Hanging Rock
Picnic ad Hanging Rock

La Karen Robson in na figùra dal film
Picnìc a Hanging Rock
1975
Regìa: Peter Weir
Scritōr: Joan Lindsay • Cliff Green
Atōr: Rachel RobertsVivean GrayKirsty Child
Tony Llewellyn-JonesAnne-Louise Lambert
Helen MorseJacki WeaverFrank Gunnell
Karen RobsonJane VallisChristine Schuler
Müsica: Bruce Smeaton
Léngua: IngléśFrancéś
Dürä dal film: 115 minüt
Nasiōṅ: Austràglia


«
La vita l'è 'n insùni, gnint àtar che 'n insùni, 'n insùni d'n insùni.»
(Tagline dal film)


Picnic ad Hanging Rock (Picnìc a Hanging Rock), cgnusû in Itaglia anc c'n al tìtul ad Il lungo pomeriggio della morte (Al lung dòpmèśdè dla mòrt), 'l è 'n film dramàtic austragliàṅ dal 1975 ad Peter Weir trat da 'l rumànś umònim dla Joan Lindsay.

Sunt

In dal dè ad san Valentèṅ dal 1900, un grup ad studènti dal culéǵ Appleyard, luntàṅ sinquànta chilométar da Melbourne, al decìd 'd andàr a far un picnìc in muntàgna cuma da tradisiòṅ, a i pē d'l Hanging Rock. A cmandàr al grup a gh'è l'insgnànta 'd francéś, M.lle de Poitiers (Helen Morse), insém a qvéla 'd matemàtica, Miss Greta McCraw (Vivean Gray).

Durànt al dòpmèśdè quàtar ragàsi i dmàndan 'd psēr andàr a far un gir più in élt fra 'l maśàgni. A guidàr al śōvni in dla scampagnàda a gh'è la Miranda St Clare (Anne-Louise Lambert), la più bèla dal grup ch'la pâr la Vènar 'd Botticelli, pò la Marion Quade (Jane Vallis), la Irma (Karen Robson) e la Edith (Christine Schuler). Lung al sintēr al quàt'r i pàsan davànti a 'n nòbil ingléś in vacànsa lè da di parènt, Michael Fitzhubert (Dominic Guard), ch'l è drē a far un gir insém a 'l dumèstig Albert Crundall (John Jarratt).

L’Edith, ch'l'è piutòst in carna, la s pintìs dagnóra subìt 'd ès'r-as śuntàta sèg. Quànd al sò amìghi i decìdan 'd andàr incóra più in élt, lē la tórna indrē sigànd ch'la s cata in na cundisiòṅ ad shock e 'd isterìśum. In cal méntar al grup ad sóta al fà a mènt ch'la sgnōra McCraw l'è sparìda. Turnàda in culéǵ insém a 'l rèst dal sò studènti, M.lle Poitiers la ciàma la pulisìa in ajùt par pascàr la sò culéga e gl'atri tri śōvni. Da 'l cant suo l’Edith la n s arcòrda gnint a part al fat 'd avēr incruśâ l'insgnànta 'd matemàtica turnànd indrē e 'd avēr-la vista sénsa stanèla.

In séguit i vìnan catâ Michael, frî e sóta shock anc lò dòp ès'r armàś a Hanging Rock tuta la nòt par pascàr la Miranda, e la Irma da par lē, sénsa sèns e sénsa memòria, misa mâł cun gl'ungi scavśàdi.

Culegamènt estéran