Piccola peste torna a far danni
|
C'l artìcul chè 'l è scrit in
Miranduléś |
 Problem Child 2
| ||
| Piccola peste torna a far danni | ||
 Michael Oliver e l'Ivyann Schwan in na figùra dal film | ||
| La pìcula pèsta la tórna a far di dan 1991 | ||
|---|---|---|
| Regìa: Brian Levant | ||
| Scritōr: Scott Alexander • Larry Karaszewski | ||
| Atōr: Michael Oliver • John Ritter • Jack Warden Ivyann Schwan • Amy Yasbeck • Laraine Newman Gilbert Gottfried • Paul Willson • Charlene Tilton | ||
| Müsica: David Kitay | ||
| Léngua: Ingléś | ||
| Dürä dal film: 83 minüt | ||
| Nasiōṅ: Stat Unî | ||
Piccola peste torna a far danni (La pìcula pèsta la tórna a far di dan) l'è na cumèdia americàna dal 1991 ad Brian Levant, séguit dal film Piccola peste dal 1990.
Al film 'l à fat sù da piò ad trénta-dū migliòṅ ad dòlar e al gh'à abû un tèrs capìtul in dal 1995, Piccola peste si innamora.
Sunt
Dòp ès'r-as divìś da sò mujér, Ben Healy (John Ritter) al spatìna insém a sò fiōl Junior (Michael Oliver) in Òregun par tacàr na vita nóva, sprand anc che sò fiōl al s méta a rigàr drit parchè 'l è na pèsta. Soquànti dóni divursiàdi i bùtan 'l òć su c'l óm lè turnâ lìbar ma Junior al n vōl minga e al s mét in mèś par paràr-li via. Ma a gh 'n è una ch'la n s fà briśa da na banda, la Lawanda Dumore (Laraine Newman), na dóna dimóndi putènta esénd la sindichésa dla sità e anc pruprietària dna banca.
Junior in cal mént'r al taca a 'ndàr a scōla e là al s questióna c'n un ragàs più grand ad lò buciâ a rót ad còl, Murph (Eric Edwards), e anc cun na putìna ch'l'è incóra più dasgustóśa 'd lò, la Trixie Young (Ivyann Schwan), fiōla d'l infarméra dla scōla, l’Annie (Amy Yasbeck). Destîṅ a vōl che lē e Ben i s 'namóran.