Paràliś serebrèl di putèin
|
C'l artìcol chè 'l è scrit in
Carpśàn |
(Lēś anca eli avertèinsi generèli a 'l riguêrd di cuntgnû di artìcol dla Wikipedia)
El paràliś serebrèl di putèin (paralisi cerebrali infantili in itagliàṅ) gl'ìn un grùp varieghê ed situasiòun patològichi indû a s gh'à di diśórdin permanèint e mìa sèimpr uguèl, vōt indla postùra che in di muvimèint, a 'l motìv ed malatìa mìa evolutìva dal servèl, saltèda fóra dimòndi prèsti, prìma ed naser, o in dal mèinter ch'a s nàs, o subìt dòp ch'a s è nê entr i 28 dè subìt dòp.
Chi diśórdin chè, la nn'è minga dìta ch'i armàgnen sèimper cunpàgn, perché s'a s egh lavóra cun dla fiśioterapìa riabilitatìva,[1] a s gh'avrà di miglioramèint, mo invéci, s'a n's'egh va minga atàc, quischè i prèven anca pegiorèr.
Clasificasiòun clìnica
La clasificasiòun clìnica la fà riferimèint ala natùra di sìntom nevrològic ch'i s caten in dal quèder clìnic:
- Fórmi spàstichi, quand a gh'è 'n sćiànc in dal sistéma piramidèl:
A s cata di schéma patològic in dla postùra e/o in di muvimèint e ipertonìa o iperreflesìa;
- Fórmi atàsichi, quand a s è sćianchê quèl in dal sistéma serebelèr:
Schéma patològic in dla postùra e/o in di muvimèint e distùreb edla coordinasiòun di muvimèint, cun dla forsa strana e mìa preciśiòun;
- Fórmi disćinètichi, quand quèl è andê stort in dla formasiòun di nùclev dla bêś:
Schéma patològic in dla postùra e/o in di muvimèint e..- forma distònica: ipocineśìa e ipertonìa;
- forma còreo-atetóśica: ipercinéśìa e ipotonìa.[2]
Clasificasiòun topogràfica
La clasificasiòun topogràfica la fà riferimèint a 'l post indû a s cata de più i difèt dal muvimèint:
Vóś lighèdi
Referèinsi
- ↑ (IT) El lìni gvìda per riabilitèr i ragasō cun cal probléma chè.
- ↑ (IT) "Rinascere dall'Altro", ed Sergio Zini, ed. Mòdna, 2017, pàǵ. 88, (Insgnamèint universitàri ed Neuropsichiatria infantile a Mòdna).
Èter progèt
Wikimedia Commons contiene file multimediali su Paràliś serebrèl di putèin
Colegamèint estèren
- (IT) El lìni gvìda per riabilitèr i ragasō cun cal probléma chè, in dla réda.
- (EN) La clasificasiòun ICD-10 del paràliś serebrèl di putèin in dla réda.