P.S. Your Cat Is Dead
|
C'l artìcul chè 'l è scrit in
Miranduléś |
 P.S. Your Cat Is Dead!
| ||
| P.S. Your Cat Is Dead | ||
 Guttenberg e Boyar in na figùra dal film | ||
| P.S. Al tò gat 'l è mòrt 2002 | ||
|---|---|---|
| Regìa: Steve Guttenberg | ||
| Scritōr: Steve Guttenberg • Jeff Korn James Kirkwood Jr. • Derek Vaughn | ||
| Atōr: Steve Guttenberg • Lombardo Boyar Cynthia Watros • Tom Wright • A.J. Benza Kenneth Moskow • Shirley Knight • Paul Dillon | ||
| Müsica: Dean Grinsfelder | ||
| Léngua: Ingléś | ||
| Dürä dal film: 92 minüt | ||
| Nasiōṅ: Stat Unî | ||
P.S. Your Cat Is Dead (P.S. Al tò gat 'l è mòrt) l'è na cumèdia dal 2002 ad Steve Guttenberg trata da 'l rumànś umònim dal 1972 ad James Kirkwood, Jr.. L'è stata giràda in Califòrgna a Los Angeles.
In di cìnema americàṅ al film 'l à muciâ sù vint-i-òt mila dòlar a 'l incìrca.
Sunt
Invéci 'd festegiàr al prim dè 'd 'l an Jimmy Zoole (Steve Guttenberg) e la sò muróśa Kate (Cynthia Watros) i tàc'n a litgàr anc parchè la sò stòria 'd amōr 'l è praticamènt finìda e lē la gh'à 'n àtar. Cuma s'a n fus minga abàsta a Jimmy a gh mōr al sò gat e anc un sò amìg dimóndi câr al n gh'è piò. Inóltar 'l è armàś sénsa lavōr da quànd i gh'aṅ suspéś al sò spetàcul.
Méntar lì lōr i questiònan, un làdar fnòć ch'al s tinś i cavìi, Eddie Tesoro (Lombardo Boyar), al s infìlsa in dal sò apartamènt par fargàr quèl.
Quànd la Kate la s in và, Jimmy al bèca 'l làd'r e al gh la cava a farmàr-al ligànd-al stric cuma 'n salàm su 'l tàvul. Fra 'l àtar al capìs anc ch'a n è minga la prima vòlta che cal ragàs lè al gh pòrta via dla ròba cuma 'n sò rumànś ch'l éra drē a scrìvar. Quànd Eddie al gh diś ch'al gh'à fam, lì lò al gh sarvìs na scatlìna 'd magnàr dal sò gat.
I dū i tàc'n a dascórar e Eddie al cònta ch'al sò matrimòni 'l è andâ a gambi p'r ària e sò mujér la n gh fà védar briśa 'l sò putèṅ.