Pôrta Sân Mêrch
|
C'l artìcul chè 'l è scrit in
Arzân |
Pôrta Sân Mêrch (Porta San Marco in italiân) l'ēra óna dal pôrti ed sucōrs dal mûri ed Rèz, che cumbînen cun al percōrs di viêl ed la circuvalasiòun 'd adès.
Stôria
L'ēra tra Pôrta Sânta Crōş (Rèz) e Pôrta Sân Pēder, in dóv' adès Via Dante Alighiêri l' incrōşa Viale Piave. L' é stêda l'ûltma pôrta a èser avêrta, la vîn tirêda só ind al 1314, d' ed ché a partîva la Strata Vetus, incō Via Veneri, ch' la purtêva a Rezōl. Al nòm al deşvîn da la cēşa ed Sân Mêrch ch' l' ēra di canônich dal S.S. Salvadōr, ch' l'ēra in dóv' adès a gh' é la Questûra e la caşêrma ed la Pulisía de Stêt. Ind al 1400, per quistiòun ed sicurèsa, ind la Pôrta a 'gh vîn fât 'na tòra. Ind al 1500, quând a s' é tirê só i bastiòun, la tòra la vîn suplîda e d' ed sōver a 'gh vîn fât 'na piatafōrma ed difèişa. Ind al 1850 al dóca Francesco V d' Este, per spavintêr j arşân, in cól pôst lé al fa tirêr só la furtèsa ed Sân Ferdinând (sèimper in dóv' adès a gh'é la Questûra), butêda zò ind al 1871 a spèişi dal Cmûn ed Rèz.