Non aprite quel cancello
|
C'l artìcul chè 'l è scrit in
Miranduléś |
 The Gate
| ||
| Non aprite quel cancello | ||
 Louis Tripp in na figùra dal film | ||
| Minga vèrar cal cansèl là 1987 | ||
|---|---|---|
| Regìa: Tibor Takács | ||
| Scritōr: Michael Nankin | ||
| Atōr: Stephen Dorff • Christa Denton • Louis Tripp Kelly Rowan • Jennifer Irwini • Scot Denton | ||
| Müsica: Michael Hoenig • J. Peter Robinson | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî • Cànada | ||
Non aprite quel cancello (Minga vèrar cal cansèl là) 'l è 'n film ad scarésa americàṅ e canadéś dal 1987 ad Tibor Takács scrit par Michael Nankin. Al gh'à abû pò 'n séguit tri an dòp da 'l tìtul Non aprite quel cancello 2.
Custâ siē migliòṅ ad dòlar, al film al 'n à pò muciâ sù tréd'ś e mèś.
Sunt
Glen (Stephen Dorff) 'l è 'n ragasōl americàṅ ad dód'ś an ch'al viṿ insém a i sò genitōr (Scot Denton e la Deborah Grover) e a na surèla più granda ciamàda Al (Christa Denton). Na nòt, in dal sò giardèṅ, a s fōrma na buśa bèla grôsa par via dna silta e da 'd lè a salta fóra 'n geôd che Glen, insém a 'l sò amìg Terrence Chandler dit Terry (Louis Tripp), al próa a studiàr. I dū i fàn'n a mènt che cla préda lè l'à lasâ dal scriti su la carta in du i l'ìvan pugiàda. Da cal mumènt lè i tàc'n a sucédar di quèi strâṅ in dla cà.
Al dè dòp Terry, mént'r al scólta dla mùśica heavy metal in dla sò cambra e dòp avēr lèt un lìbar 'd ucultìśum, al capìs ch'la buśa in giardèṅ l'è 'n cansèl ch'al pòrta a 'n régn abitâ da dal criatùri catìvi e ch'a gh cala sōl un sacrifìsi fat là dèntar par parmét'r a 'l mâł 'd vgnir fóra.