Nebbia a San Francisco
|
C'l artìcul chè 'l è scrit in
Miranduléś |
 Fog Over Frisco
| ||
| Nebbia a San Francisco | ||
 Lyle Talbot e la Bette Davis in na figùra dal film | ||
| Fumàna a San Francisco 1934 | ||
|---|---|---|
| Regìa: William Dieterle | ||
| Scritōr: George Dyer Robert N. Lee • Eugene Solow | ||
| Atōr: Bette Davis • Donald Woods • Lyle Talbot Margaret Lindsay • Hugh Herbert • Arthur Byron | ||
| Müsica: Bernhard Kaun | ||
| Léngua: Ingléś | ||
| Dürä dal film: 68 minüt | ||
| Nasiōṅ: Stat Unî | ||
Nebbia a San Francisco (Fumàna a San Francisco) 'l è 'n thriller in biànc e négar dal 1934 ad William Dieterle.
Sunt
L’Arlene (Bette Davis) l'è na śuvnòta visiàda e pîna 'd bèsi ch'la s la gôd a la granda in dla vita finansiànd tut al sò spéśi rubànd dgl'ubligasiòṅ da la sucietà 'd sò pàdar, Everett Bradford (Arthur Byron), par cònt dal criminàł Jake Bello (Irving Pichel) e 'd sò fradèl Joe (Gordon Westcott). Par far-al, la custrìnś al sò muróś Spencer Carlton (Lyle Talbot) a jutàr-la, dasfrutànd al fat che chi lò al gh'à 'n pòst impurtànt in dla dita 'd sò pàdar.
Na sira, dòp avēr decìś ad dar-'g un taj cun tut chi furt lè, la tōś la deciśiòṅ ad mulàr Spencer, ch'al n gh sarvìs piò, par turnàr insém a 'l sò amànt Joshua Mayard (Douglass Dumbrille), pròpria quànd sò pàd'r al capìs 'd èsar stâ fargâ da lē. Everett al vrév dar-ag na punisiòṅ ma l’Arlene la sparìs lasànd un bijét a sò surèla Valkyr dita Val (Margaret Lindsay). Quànd al giurnalìsta Tony Sterling (Donald Woods), ligâ sentimentalmènt a la Val, e 'l paparàś Izzy Wright (Hugh Herbert) i càt'n al cadàvar dl’Arlene in dal baùl dla sò màchina, al cumisàri O'Malley (Alan Hale) al taca a indagàr su 'l caś.
A s vîṅ a savēr che l’Arlene l'éra spuśàda in segrét c'n un sèrt Arthur Burchard. In cal méntar a vîṅ catâ mòrt anc Spencer.