Muori lentamente... te la godi di più
|
C'l artìcul chè 'l è scrit in
Miranduléś |
 Mister Dynamit -Morgen küßt euch der Tod | ||
| Muori lentamente... te la godi di più | ||
 La Perschy e Amedeo Nazzari in na figùra dal film | ||
| Mōr piàṅ pianèṅ... ta t la gôd da piò 1967 | ||
|---|---|---|
| Regìa: Franz Josef Gottlieb | ||
| Scritōr: Franz Josef Gottlieb • Karl-Heinz Günther | ||
| Atōr: Lex Barker • Maria Perschy • Amedeo Nazzari José Suárez • Ullrich Haupt • Wolfgang Preiss Siegfried Rauch • Gisela Hahn • Gustavo Rojo | ||
| Müsica: Gianni Marchetti • Armando Trovajoli | ||
| Léngua: Tedésc | ||
| Dürä dal film: 108 minüt | ||
| Nasiōṅ: Germàgna Òvest • Itàglia Spaggna • Àustria | ||
Muori lentamente... te la godi di più (Mōr piàṅ pianèṅ... ta t la gôd da piò) 'l è 'n film ad spiunàǵ dal 1967 ad Franz Josef Gottlieb trat da 'n rumànś ad Karl-Heinz Günther.
'L è stâ girâ a Washington, Mònag 'd Bavéra, Madrìd, Cartagena, Barcelóna e Arenys de Mar.
Sunt
Bardo Baretti (Amedeo Nazzari) 'l è 'n uperadōr finansiàri itagliàṅ ch'al viṿ in Spaggna, cap dl'urganiśasiòṅ dla “Sèta dla Cróś Biànca”. Chi lò al gh'à 'l ciòld fis di mudlèṅ cic di trêṅ ch'i gìran su di binàri śugàtui, qvél 'd anvlupàr-'s in di tapē cuma 'n invultèṅ e 'd mandàr śò na butìglia 'd grapa a sinc óri dla basōra. I servìsi segrét ad tut al mónd i al tìnan 'd òć parchè 'l è 'n sugèt periculóś ma i n gh 'l aṅ mai cavàda a catàr gnint.
A n sèrt punt chi lò, cun 'l ajùt di sò culaburadōr Balbo (Giuseppe Mattei), Carlos (Giancarlo Bastianoni), Flynn (Antonio Pica), Tazzio (Siegfried Rauch) e Peppino (Gustavo Rojo), al gh la cava a cumpràr-'s un DC8, a sequestràr un pilòta 'd aparéć dla Lufthansa, al capitàṅ Reichel (Dieter Eppler), e a fargàr na bómba atòmica a i Stat Unî, a dita dal generàł Burch (José Suárez). Sicuramènt 'l à strulgâ 'n piàṅ criminàł par tgnir sóta ricàt al guèr'n americàṅ e difàti al vōl un migliàrd ad dòlar p'r a n butàr minga śò la bómba in dal Distrét ad Culùmbia.
La Germàgna la dmanda a 'l sò agìnt segrét n.18 Bob Urban dit Mr. Dinamît (Lex Barker) ad farmàr-al e chi lò 'l unìs al fòrsi c'n al sò culéga yankee Cliff (Brad Harris) e pò cun la misterióśa Lu Forrester (Maria Perschy), ch'la s fà ciamàr Jill ma ch'l'è cgnusùda cuma la Vènar dal Pentàgun.