Mia moglie, un corpo per l'amore
|
C'l artìcul chè 'l è scrit in
Miranduléś |
 Mia moglie, un corpo per l'amore
| ||
 Tranquilli, la Murgia e Placido in na figùra dal film | ||
| Mè mujér, un còrp par 'l amōr 1973 | ||
|---|---|---|
| Regìa: Mario Imperoli | ||
| Scritōr: Franco Daniele Mario Imperoli • Silvia Silvani | ||
| Atōr: Silvano Tranquilli • Peter Lee Lawrence Antonella Murgia • Michele Placido • Sonia Burton | ||
| Müsica: Franco Bixio • Giorgio Gaslini | ||
| Léngua: Itagliàṅ | ||
| Dürä dal film: 82 minüt | ||
| Nasiōṅ: Itàglia | ||
Mia moglie, un corpo per l'amore (Mè mujér, un còrp par 'l amōr) 'l è 'n drama eròtic dal 1973 ad Mario Imperoli. La pelìcula l'è cgnusùda anc c'n al tìtul ad Simona un corpo per tutti.
Sunt
La Simona (Antonella Murgia) l'è na śuvnòta ch'la fà la mudèla par na futógrafa (Sonia Burton) ch'la gh'à butâ gl'òć adòs anc se lē la s è sistemàda spuśànd Paolo (Silvano Tranquilli), 'n óm pîṅ ad bèsi ch'al fà 'l agìnt ad cambi par mistēr.
Un dè la Simona l'incróśa par strada un sòci 'd sò marè, Marco Santi (Peter Lee Lawrence), un biundèṅ ch'l éra stâ 'l sò amànt prima che lē la sa spuśìs. La dóna la decìd ad far un gir in barca sèg mo anc un gir in giòstra. Cal cuckold burghéś ad sò marè al sà incòśa e al gh cata anc gust cumpàgn a lē.
Na sira in discutéca Paolo al lasa sò mujér a 'n śōvan (Michele Placido) ch'al la tgniva 'd òć méntar la balàva sèg. Anc cal ragàs chè al gh dà dū cōlp, pò la Simona la s fà gusàr da 'n sart in dal sò negòsi p'r avēr quèl ad nóṿ da cuntàr a sò marè. La ninfumanìa dla sgnōra la n gh'à minga di lìmit tant ch'un dè la fà finta 'd èsar na putàna p'r andàr a far sès cun 'n óm ch'al fà 'l slar e ch'al la carga sù in màchina par vint-mila franc.
Quànd la Simona la decìd ad védar-'s incóra cun Marco, Paolo al sa stufa 'd cal śuglèṅ lè e, durànt na giurnàda in barca, al cópa 'l sò rivàl.