M. Butterfly
|
C'l artìcul chè 'l è scrit in
Miranduléś |
 M. Butterfly
| ||
 Jeremy Irons in na figùra dal film | ||
| id. 1993 | ||
|---|---|---|
| Regìa: David Cronenberg | ||
| Scritōr: David Henry Hwang | ||
| Atōr: Jeremy Irons • John Lone • Shizuko Hoshi Barbara Sukowa • Ian Richardson • David Neal Annabel Leventon • Antony Parr • Margaret Ma | ||
| Müsica: Howard Shore | ||
| Léngua: Ingléś | ||
| Dürä dal film: 101 minüt | ||
| Nasiōṅ: Stat Unî | ||
M. Butterfly (id.) 'l è 'n film dramàtic dal 1993 ad David Cronenberg trat da na pièce teatràla 'd David Henry Hwang c'n al stés nóm.
La pelìcula l'à fat sù un migliòṅ e mèś ad dòlar.
Sunt
René Gallimard (Jeremy Irons) 'l è 'n diplumàtig dal cunsulâ francéś ch'in dla mità di an Ssanta al partìs cun sò mujēr Jeanne (Barbara Sukowa) par la capitàł dla Cina in du al gh'à da tacàr a lauràr. Durànt na fèsta al gh'à la manéra 'd védar na versiòṅ dl'òpra Madama Butterfly ad Giacomo Puccini a Pechîṅ cun prutagunìsta na cantànta d'l aspèt andrògin, la Liling Song (John Lone).
René, ch'l è armàś culpî da la sò interpretasiòṅ dna dóna ch'la sà star a 'l sò pòst e schisa, al decìd ad cgnósar-la e pò 'd andàr fóra sèg dand-'g anc un baś. La ragàsa l'è preucupàda da 'l scàndal ch'al prév scupiàr e la gh diś 'd ès'r incóra vìrgin ma in tut al manéri la taca listés na relasiòṅ sèg par purtàr-ag via di segrét militàr par cònt dal partî cumunìsta cinéś.
In séguit la Song la cunfèsa a René ad spetàr un putèṅ da lò ma 'l è impusìbil parchè 'l è 'n masć.