Lionheart - Scommessa vincente
|
C'l artìcul chè 'l è scrit in
Miranduléś |
 Lionheart
| ||
| Lionheart - Scommessa vincente | ||
 Jean-Claude Van Damme in na figùra dal film | ||
| Lionheart - Scumésa vinsènta 1990 | ||
|---|---|---|
| Regìa: Sheldon Lettich | ||
| Scritōr: Jean-Claude Van Damme S.N. Warren • Sheldon Lettich | ||
| Atōr: Jean-Claude Van Damme • Harrison Page Deborah Rennard • Michel Qissi • Lisa Pelikan Brian Thompson • Ashley Johnson • Ash Adams | ||
| Müsica: John Scott | ||
| Léngua: Ingléś • Sèrb | ||
| Dürä dal film: 108 minüt | ||
| Nasiōṅ: Stat Unî | ||
Lionheart - Scommessa vincente (Lionheart - Scumésa vinsènta) 'l è 'n film 'd asiòṅ americàṅ dal 1990 ad Sheldon Lettich.
La pelìcula l'è custàda siē migliòṅ ad dòlar ma l'è stada pò bòna 'd far-an sù da piò ad vint-quàtar.
Sunt
Lyon Gaultier (Jean-Claude Van Damme), francéś vuluntàri in Àfrica a Gibùti par la legiòṅ furastéra, al ricév na létra da Los Angeles da sò cugnàda Helene (Lisa Pelikan) ch'la dmanda 'l sò ajùt parchè sò marè 'l è in fiṅ 'd vita a 'l uśdàł dòp che di traficànt ad dròga i gh'aṅ dâ fōg. Lyon al vrév partìr subìt p'r andàr a catàr sò fradèl ma 'l cmandànt Adjulant (George McDaniel) al gh diś ch'al pōl vansàr. Lyon al tōś alóra na Jeep e 'l scapa in dal deśèrt par rivàr a 'l mâr e ciapàr na nâṿ par rivàr in di Stat Unî.
Rivâ a New York al dvènta amìg 'd un sénsa téǵ ciamâ Joshua (Harrison Page) che par far-'g avēr di bèsi 'l al davśìna a 'l mónd di cumbatimènt clandistèṅ urganiśâ da la Cynthia (Deborah Rennard). I sò prim guadàgn al i gira diretamènt a l’Helene ch'l'è armàśa védva in cal méntar, l'è in buléta sparàda e la gh'à na fiōla pìcula da tiràr sù, la Nicole (Ashley Johnson).
Dū funsiunàri dla legiòṅ furastéra, Moustafa (Michel Qissi) e Hertog (Voyo Goric), i èṅ in Califòrgna p'r arestàr-al.