La vedova nera
|
C'l artìcul chè 'l è scrit in
Miranduléś |
 Black Widow
| ||
| La vedova nera | ||
 La Russell e la Winger in na figùra dal film | ||
| La védva négra 1987 | ||
|---|---|---|
| Regìa: Bob Rafelson | ||
| Scritōr: Ronald Bass | ||
| Atōr: Debra Winger • Theresa Russell • Sami Frey Dennis Hopper • Nicol Williamson • Terry O'Quinn Diane Ladd • D.W. Moffett • Lois Smith • Leo Rossi | ||
| Müsica: Michael Small | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî | ||
La vedova nera (La védva négra) 'l è 'n thriller dal 1987 ad Bob Rafelson. 'L à purtâ a cà da piò ad vint-sinc migliòṅ ad dòlar.
Sunt
L'agìnta speciàla d'l F.B.I. Alexandra Barnes (Debra Winger), dita Alex, la pénsa che soquànt óm mòrt pîṅ ad bèsi i n àppian minga śmis ad vìvar par dal càuśi naturàli ma parchè cupâ in na manéra 'd a n lasàr minga dal trasi. Chi lē la taca acsè a pascàr la dóna che lē la créd la sia na védva négra, rivànd acsè in di Hawaii. Chè la cgnós na dóna ch'la s fà ciamàr Catharine (Theresa Russell) e ch'la prév èsar la védva. Al dū dóni i ś lég'n a 'l stés amànt, cun la pulisiòta ch'la 'l vrév salvàr.
Dòp avér spuśâ Paul Nuytten (Sami Frey), la Catherine la partìs par la Califòrgna dgénd ch'la gh'à da tgnir a drē a i sò interès. In cal méntar però la cópa, druànd dla dròga, un detective ch'l iva tgnû drē a Paul e a l’Alex, tulénd-i śò in dal méntar ch'i éran drē a far dal purcàdi.
Quànd a vèṅ catâ al cadàvar, l’Alex la ciàma la pulisìa dal pòst e anc Paul dgénd-ag 'd astàr bèṅ aténti parchè 'l è dimóndi a risć, difàti la védva in gènar la cópa quànd la s è śluntanàda. Paul però al n gh dà briśa crèdit, tut àtar, al s arlìa dimóndi quànd al capìs che l’Alex l'è n'agìnta ch'la lavóra par 'l FBI.
Quànd 'l óm al mōr dabòṅ, masâ cun dal vlèṅ, la Catharine la cata a 'l aeropòrt un tenènt ad pulisìa.