C'l artìcul chè 'l è scrit in Miranduléś Emiliàn

Goodbye, Columbus
La ragazza di Tony

La MacGraw e Benjamin in na figùra dal film
La ragàsa 'd Tony
1969
Regìa: Larry Peerce
Scritōr: Philip Roth • Arnold Schulman
Atōr: Ali MacGrawRichard BenjaminNan Martin
Jack KlugmanMichael MeyersLori Shelle
Monroe ArnoldKay CummingsRoyce Wallace
Müsica: Charles Fox
Léngua: Ingléś
Dürä dal film: 102 minüt
Nasiōṅ: Stat Unî


«
P'r i pàd'r al fiōli i èṅ tuti puri.»
(Tagline dal film)


La ragazza di Tony (La ragàsa 'd Tony) 'l è 'n film dramàtic americàṅ dal 1969 ad Larry Peerce, candidâ a i Prèmi Òscar dal 1970 par la senegiadùra 'd Arnold Schulman e vinsidōr 'd un Golden Globes par l'atōra debutànta Ali MacGraw.

La pelìcula 'l à frutâ in alóra a qvéi dla Paramount Pictures dagnóra vint-a-tri migliòṅ ad dòlar a frònt 'd un cóst 'd un migliòṅ e mèś.

Sunt

Cumpagnâ a 'l Old Oaks Country Club ad Purchase (New York) par sò cuśìna Doris (Kay Cummings) ch'l'è sòcia lè, al śōvan bibliutecàri Neil Klugman (Richard Benjamin) al cgnóś na ragàsa ciamàda Brenda (Ali MacGraw), fiōla 'd Ben Patimkin (Jack Klugman), 'n ebrèj ch'l à fat i bèsi cun la sò impréśa 'd cumpunènt idràulic. Al ragàs al s fà avànti sèg e la Brenda la gh astà vluntéra anc parchè di muróś la gh 'n à abû 'n squantèran. Chi lē la 'l invìda a séna par far-ag cgnós'r i suo: ólt'r a Ben a gh'è sò màdar (Nan Martin) ch'la n và mia tant 'd acòrd sèg, sò fradèl Ron (Michael Meyers) e sò surèla pìcula, la Julie (Lori Shelle).

Par sò fiōla, i Patimkin i vrév'n un ragàs ch'al faśìs un mistēr più impurtànt ma i 'l tōś'n in cà listés, cuma òspit par dū stmani. Ad nòt i dū śōv'n i s càt'n ad nascòst in dla cambra 'd lē par gusàr. Quànd Neil al vîṅ a savēr che la Brenda la n tōś minga la pìlula, un quèl ch'al dava par scuntâ, al s arlìa dimóndi e 'l è lè lè par mulàr-la. A 'l ùltim la sò muróśa la gh diś ch'l'andrà a tōr un diafràma. Finî i quìndas dè, dòp al matriumòni 'd Ron, i dū i decìd'n ad véd'r-as in 'n hutèl ad Boston. Quànd però la Brenda la riva la gh'à dal bruti nutìsi: ravanànd in cambra sò màdar l'à catâ 'l diafràma e i sò genitōr i aṅ scrit na létra par tut dū. La ragàsa la gh'à da sarnìr fra Neil e la sò famìja.

Culegamènt estéran