La pistola maledetta
|
C'l artìcul chè 'l è scrit in
Miranduléś |
 Gun's Eye
| ||
| La pistola maledetta | ||
 Jerry Koch in na figùra dal film | ||
| La pistòla maladìda 1989 | ||
|---|---|---|
| Regìa: Jerry Koch • Paul I. Clear | ||
| Scritōr: Jerry Koch | ||
| Atōr: Jerry Koch • Teresa M. Wingerter • Ken Voss Scot Heminger • Milly Koch • Trish Bradford Burk Mike McElhaney • Gary Block • James Kellett Sr. Brigette Baker • Chris Knox • Joseph Hulser | ||
| Müsica: Jim Kellett | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
La pistola maledetta (La pistòla maladìda) 'l è 'n film ad scarésa americàṅ dal 1989 ad Jerry Koch, ch'al 'l à anc scrit, prudót e recitâ, e ad Paul I. Clear. 'L è stâ girâ tut in dal stat dal Missouri.
In Itàglia 'l è cgnusû anc c'n al tìtul ad “Mutazione mortale” mént'r in Spaggna cuma “El ojo del revólver”.
Sunt
Vick Heil (Jerry Koch), durànt un gir in dal negòsi ad śavàj već ad Zack (James Kellett Sr.), un brut grintèṅ ch'al trata mâł tut i sò cliènt, al buta 'l òć su na vècia pistòla druàda da i naśìsta durànt la secónda guèra mundiàla, na “Luger 9 mm Parabellum”, e al decìd ad tōr-la dand in cambi 'n anèl parché la gh piàs dimóndi. Al dè dòp al partìs insém a la sò muróśa Michelle (Teresa M. Wingerter) e a i sò amìg Chris (Chris Knox), Larry (Scot Heminger), la Kelly (Brigette Baker) e la Laura (Trish Bradford Burk) par na vacànsa da pasàr in dla vila ch'i gh'aṅ i sò genitōr in dal Missouri in riva a 'n lâg. Rivâ in sal pòst la Laura la taca a gusàr cun Chris e a fà àtar tant la Kelly cun Larry méntar Vick al pasa 'l sò tèmp a sparàr a di bersàj e al n gh'à minga tèmp 'd andàr gnanc a far un gir in barca cun chi àtar. In dal tucàr la sò pistòla Vick al viṿ incóra i masamènt ch'i eṅ stâ fat in dal pasâ da i vèć pruprietàri e par lò al dvènta n'usesiòṅ tant ch'ad nòt al n s fà minga di prubléma a cupàr un gat négar ch'al ravanàva in dal rusc ad fóra.
I vśèṅ ad cà, sinténd di stus, i ciàman al sierìf (Mike McElhaney) ma lò al fà finta 'd gnint sèmpar da piò parśunēr dla vója ad cupàr. Al prim quèl ch'al decìd ad far 'l è qvél ad turnàr in dla butéga ad Zack par masàr-al, pò al partìs par la vila par far fóra tut i sò amìg. In dal méntar la pistòla la s mìsćia cun la carna dla sò maṅ dvintànd un quèl sōl.