La piccola bottega degli orrori (film 1986)
|
C'l artìcul chè 'l è scrit in
Miranduléś |
 Little Shop of Horrors
| ||
| La piccola bottega degli orrori | ||
.png) Rick Moranis in na figùra dal film | ||
| La butghìna dal scarési 1986 | ||
|---|---|---|
| Regìa: Frank Oz | ||
| Scritōr: Charles B. Griffith Howard Ashman • Roger Corman | ||
| Atōr: Rick Moranis • Ellen Greene • Steve Martin Vincent Gardenia • Jim Belushi • Michelle Weeks Tisha Campbell • Tichina Arnold • John Candy Christopher Guest • Bill Murray • Stan Jones | ||
| Müsica: Miles Goodman | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
La piccola bottega degli orrori (La butghìna dal scarési) l'è na cumèdia dal 1986 ad Frank Oz, ispiràda a 'n musical c'n al stés tìtul 'd Alan Menken e 'd Howard Ashman. La pelìcula, arfacimènt 'd un film dal 1960 ad Roger Corman cun Jack Nicholson, l'è stada numinàda a dū Prèmi Òscar par gl'efèt speciài e par la mùśica.
Custàda vint-sinc migliòṅ ad dòlar, cl'òpra chè la 'n à pò purtâ a cà trénta-nóṿ. La vōś dla piànta in uriginàł 'l è 'd Levi Stubbs.
Sunt
In di an Ssanta a New York Seymour Krelborn (Rick Moranis) 'l è 'n ragàs “nerd” ch'insém a la sò culéga Audrey (Ellen Greene) al lavóra in dal negòsi 'd fiōr dal sgnōr Mushnik (Vincent Gardenia). Seymour al vrév tacàr na stòria cun l′Audrey ma chi lē l'è bèla impgnàda c'n un dentìsta sàdig ciamâ Tony Scrivello (Steve Martin).
P'r al fat che 'd cliènt a gh 'n è pròpria pôc, al titulàr al pénsa 'd saràr la butéga ma l′Audrey la gh cunsìlia prima 'd mét'r in vedrìna na piànta carnìvura che Seymour 'l iva tòlt da di cinéś e ch'l à ciamâ Audrey II.
Pròpria quànd la gint la taca a cumpràr lè, la piànta la s infiapìs a 'l impruvìś. Seymour 'l è in pinsēr e 'l fà da tut par far-la star méj mo a n gh'è vèrs in fiṅ tant ch'al s taja 'n dî par caś e alóra, c'n al sànguv spricâ, Audrey II finalmènt al s tira sù, faghénd anc véd'r a 'l sò pruprietàri ch'l è anc bòṅ ad dascórar e 'd cantàr.
La piànta la dmanda a Seymour, ch'al n pōl minga dar-'g ad cuntìnuv al sò sànguv, ad purtàr-ag dla gint da magnàr.