La natura ambigua dell'amore
|
C'l artìcul chè 'l è scrit in
Miranduléś |
 Love and Human Remains
| ||
| La natura ambigua dell'amore | ||
 La Marshall e Gibson in na figùra dal film | ||
| La natùra inganadōra d'l amōr 1993 | ||
|---|---|---|
| Regìa: Denys Arcand | ||
| Scritōr: Brad Fraser | ||
| Atōr: Thomas Gibson • Cameron Bancroft Ruth Marshall • Mia Kirshner • Joanne Vannicola Rick Roberts • Matthew Ferguson • Aidan Devine | ||
| Müsica: Howard Shore | ||
| Léngua: Ingléś | ||
| Dürä dal film: 100 minüt | ||
| Nasiōṅ: Cànada | ||
La natura ambigua dell'amore (La natùra inganadōra d'l amōr) 'l è 'n thriller dramàtic canadéś dal 1993 ad Denys Arcand trat da la pièce teatràla Avàns umàṅ minga identificâ ad Brad Fraser ch'l à vins al prèmi par 'l adatamènt a 'l cìnema a i Genie Awards d'l an dòp.
Sunt
David (Thomas Gibson) 'l è 'n bisèx canadéś ch'al divìd 'l apartamènt cun la sò èx muróśa ch'la fà la crìtica di lìbar, la Candy (Ruth Marshall). Na vòlta chi lò al fava 'l atōr in un telefìlm mént'r adès al scampa faghénd al camarēr. Al gh'à na stòria c'n al sò culéga Kane (Matthew Ferguson) ma 'd nòt al và a pascàr anc di àt'r óm cuma Sal (Aidan Devine). Anc a la Candy i gh vànan bèṅ masć e fémni e la pasa da la Jerri (Joanne Vannicola) a 'l squasamarléti Robert (Rick Roberts) ch'al sarvìs in un bar.
In sità a gh'è 'n sasèṅ seriàł ch'al fà la culesiòṅ di buclèṅ dal sò vitmi, dal vòlti al tîṅ dacàt anc gl'uréci. Na nòt la śōvna scaja Benita (Mia Kirshner), sensitìva specialiśàda in sadumàś, la sènt in dl'ària un brut perìcul par David quànd chi lò al riva da lē insém a Bernie (Cameron Bancroft) p'r un quèl a tri.