La moglie del soldato
|
C'l artìcul chè 'l è scrit in
Miranduléś |
 The Crying Game
| ||
| La moglie del soldato | ||
 Rea e la Jaye Davidson in na figùra dal film | ||
| La mujēr dal suldâ 1992 | ||
|---|---|---|
| Regìa: Neil Jordan | ||
| Scritōr: Neil Jordan | ||
| Atōr: Stephen Rea • Miranda Richardson Jaye Davidson • Forest Whitaker • Joe Savino Adrian Dunbar • Andrée Bernard • Tony Slattery | ||
| Müsica: Anne Dudley | ||
| Léngua: Ingléś | ||
| Dürä dal film: 112 minüt | ||
| Nasiōṅ: Régn Unî • Stat Unî • Giapòṅ | ||
La moglie del soldato (La mujēr dal suldâ) 'l è 'n film dramàtic dal 1992 scrit e dirèt par Neil Jordan. C'n un budget stimâ 'd dū migliòṅ e tri ad sterlìni, l'à fat sù da piò ad ssanta-dū migliòṅ ad dòlar in tut al mónd. La pelìcula l'è stada candidàda a siē Prèmi Òscar vinsénd qvél par la senegiadùra uriginàla. In dal 1999 al British Film Institute al l'à misa a 'l 26śum pòst dla lista di sènt film britànic dal XX sécul.
Al braṅ più impurtànt dla culòna sunóra 'l è la cover 'd Dave Berry The Crying Game, tìtul uriginàł dal film, cantàda par Boy George e prudóta p'r i Pet Shop Boys.
Sunt
Jody (Forest Whitaker), un suldâ négar d'l eśèrcit britànic, al vîṅ sequestrâ da 'n cumànd terurìstic dl'I.R.A. cun l'intensiòṅ in séguit ad rivàr a 'n scambi 'd parśunēr. Jody, ch'al sà 'd risćiàr la vita, al taca a dascórar c'n al terurìsta Fergus (Stephen Rea) dmandànd-'g ad cuntatàr in caś ad mòrt la sò muróśa Dil (Jaye Davidson) ch'la fà la paruchéra a Lóndra.
Al guèran britànic, in cal méntar, al decìd 'd a n cédar briśa a 'l ricàt e 'l manda di suldâ in dal pòst in du al créd ch'a sia lugâ Jody. Durànt al scónt'r a fōg, Jody al mōr méntar Fergus al gh la cava a scapàr via e a far-as dar di ducumènt fals par tacàr na vita nóva in dla capitàl ingléśa laurànd cuma muradōr faghénd-as pasàr p'r un scuséś ciamâ Jimmy.
In séguit, par tgnir adrē a qvél ch'l iva prumìs, al decìd 'd incuntràr la Dil sénsa dir-ag chi al sia dabòṅ. Tacànd a frequentàr-la, 'l óm al s inamóra 'd lē in fiṅ tant ch'al capìs ch'l è 'n trans in dal méntar ch'la s cava śò. A 'l inìsi al gh'armàgn mâł, al gòmita anc, ma pò al decìd 'd andàr avànti listés cun la relasiòṅ.
I sò èx sòci Maguire (Adrian Dunbar) e la Jude (Miranda Richardson) i 'l càtan, ch'i n èṅ minga tant cuntènt ch'al sa sia dastacâ da 'l èśèrcit republicàṅ irlandéś, e i gh órd'n ad masàr un giùdas par lōr o sinò a 'rmét'r-ag a sarà la sò muróśa.