La luna su Torino
|
C'l artìcul chè 'l è scrit in
Miranduléś |
 La luna su Torino
| ||
 Franceschini, la Parodi e Leonardi in na figùra dal film | ||
| La luna su Turèṅ 2013 | ||
|---|---|---|
| Regìa: Davide Ferrario | ||
| Scritōr: Davide Ferrario | ||
| Atōr: Walter Leonardi • Eugenio Franceschini Manuela Parodi • Franco Olivero • Stefano Scherini Daria Pascal Attolini • Giulia Odori • Diego Casale Leonardo Lidi • Aldo Ottobrino • Franco Maino | ||
| Müsica: Fabio Barovero | ||
| Léngua: Itagliàṅ • Francés | ||
| Dürä dal film: 94 minüt | ||
La luna su Torino (La luna su Turèṅ) 'l è na cumèdia itagliàna dal 2013 scrita e dirèta par Davide Ferrario.
A 'l èst'r al film 'l è cgnusû c'n al tìtul ad 45th Parallel, al paralēl a mità fra 'l pôl nòrd e 'l equatōr ch'al pasa par Turèṅ e par la Mungòglia.
Sunt
Ugo (Walter Leonardi) 'l è 'n bòṅdagnìnt put ch'al viṿ a Turèṅ in dla vila ch'i gh'aṅ lasâ i sò genitōr quànd i èṅ mòrt ch'al gh'iva séd'ś an. Par ciapàr sù quèl, almànc in di prim tèmp, 'l à dâ in afìt na cambra a la Maria (Manuela Parodi), na ragàsa ch'la lavóra in n'agensìa 'd viàś ma ch'la vrév invéci far l'atōra esénd ch'i gh piàśan tant i film in biànc e négar, e a Dario (Eugenio Franceschini), studènt universitàri impgnâ a tgnir adrē a 'l bèsti 'd un bio-parc darènt a 'l fiùm Po.
Ugo al s pasa 'l tèmp andànd in gir in bicicléta, dascurénd dal Torino Football Club insém a 'n àtar tifóś (Diego Casale), sunànd dal canti insém a 'l mundìni 'd Nóṿ, tirànd di pugn a 'n sac dla boxe e lśénd di lìbar anc s'a gh piaśrév da piò andàr a lèt cun la Maria ch'invéci la preferìs andàr fóra c'n un futogràfar, Ivan (Stefano Scherini). Quànd i bèsi dl'eredità i finìsan e 'l avucàt dla banca, Ungari (Franco Olivero), al fà valēr l'iputéca, i tri i èṅ custrét a 'ndàr via e a catàr la strada lōr.