La casa sperduta nel parco
|
C'l artìcul chè 'l è scrit in
Miranduléś |
 La casa sperduta nel parco
| ||
 Hess e la Marie Claude Joseph in na figùra dal film | ||
| La cà spardùda in dal parc 1980 | ||
|---|---|---|
| Regìa: Ruggero Deodato | ||
| Scritōr: Gianfranco Clerici • Vincenzo Mannino | ||
| Atōr: David Hess • Giovanni Lombardo Radice Christian Borromeo • Karoline Mardek Lorraine De Selle • Marie Claude Joseph Brigitte Petronio • Annie Belle • Gabriele Di Giulio | ||
| Müsica: Riz Ortolani | ||
| Léngua: Ingléś • Itagliàṅ | ||
| Dürä dal film: 94 minüt | ||
| Nasiōṅ: Itàglia | ||
La casa sperduta nel parco (La cà spardùda in dal parc) 'l è 'n thriller dal 1980 ad Ruggero Deodato girâ in sōli tri stmani c'n un budget dimóndi bas.
A 'l èstar 'l è cgnusû c'n i tìtui ad Trampa para un violador in Spaggna, La maison au fond du parc in Frància, House on the Edge of the Park in di Stat Unî e Der Schlitzer in Germàgna.
Sunt
Alex (David Hess), un delinquènt ch'al fà 'l mecànig in un garàǵ insém a 'l sò amìg Ricky (Giovanni Lombardo Radice) ch'al n è minga tant a pòst, na nòt al viulénta e al stròsa na dóna in un parc (Karoline Mardeck). Soquànt tèmp dòp al giùsta la màchina 'd un milurdèṅ ric sfundâ, Tom (Cristian Borromeo), ch'l éra andâ da lò insém a la sò murōśa, la Lisa (Annie Belle). Prima 'd andàr via, Tom al śibìs a i dū 'd andàr sèg a na fèsta da 'n sò amìg dal New Jersey e chi lōr i s śòntan vluntéra ma Alex al tōś prima 'n raśōr.
I quàt'r i rìvan prèst in dla vila dla padròna 'd cà, la Gloria (Lorraine de Selle). Insém a lē a gh'è di àt'r òspit: la Glenda (Marie Claude Joseph) e Howard (Gabriele Di Giulio). La fèsta la gh'à inìsi e gl'amìg i dmàndan a Ricky ad cavàr-as śò durànt un balét e pò i tàc'n a śugàr a poker méntar la Lisa la fà la purcùsa cun Alex in bagn. Quànd qvést chè al tórna śò e al véd che chi àtar i èṅ drē a baràr cóntar c'l insiminî ad Ricky, al tira fóra 'l raśōr e al taca na casutarìa cun Howard che pò al gh'à la pèś finénd in pisìna cun Alex ch'al gh pisa 'dòs.