La casa di Cristina
|
C'l artìcul chè 'l è scrit in
Miranduléś |
 Christina's House
| ||
| La casa di Cristina | ||
 La Crystal Bublé e l'Allison Lange in na figùra dal film | ||
| La cà dla Cristìna 2000 | ||
|---|---|---|
| Regìa: Gavin Wilding | ||
| Scritōr: Stuart Allison | ||
| Atōr: Allison Lange • Brendan Fehr • Brad Rowe John Savage • Crystal Bublé • Chelsea Hobbs Chilton Crane • Jerry Wasserman • Lorne Stewart | ||
| Müsica: Chris Ainscough | ||
| Léngua: Ingléś | ||
| Dürä dal film: 97 minüt | ||
| Nasiōṅ: Cànada | ||
La casa di Cristina (La cà dla Cristìna) 'l è 'n film ad scarésa canadéś dal 2000 ad Gavin Wilding.
Sunt
La Cristina Tarling (Allison Lange), na śóvna ad darsèt an, la và a star in un paiśèṅ dal stat ad Washington insém a sò pàdar James (John Savage) e a sò fradèl pìcul śbragamaròṅ Bobby (Lorne Stewart). I gh'àṅ da star davśèṅ a sò màdar Joanne (Chilton Crane) ch'la viṿ in un manicòmi.
La ragasōla la taca a 'ndàr fóra c'n al sò amìg Eddy Duncan (Brendan Fehr) quànd 'n àtar ragàs, 'l idràulic Howie Rhodes (Brad Rowe), al gh'à butâ i òć adòs in dal méntar ch'l è andâ da lē par mét'r-ag a pòst la stua, cum l'à psû bèṅ védar la sò amìga Karen (Crystal Buble) e anc sò pàdar ch'al và fóra ad tèsta parchè 'l è dimóndi gelóś dla sò fiōla fémna.
La cà, ch'la s cata in campàggna da par lē, l'è in ristruturasiòṅ. Bèṅ prèst la Cristina la taca a sintìr di stus ch'i rìvan da 'l tasèl mòrt e 'l è 'n quèl dimóndi strân parchè là sù a n gh viṿ ninsòṅ. Sò pàdar al gh diś ch'i ciòc i gh'èṅ parchè la cà l'è vècia.
Quànd dū śóvni i sparìsan lè dèntar, a riva da i Tarling al sierìf Mark Sklar (Jerry Wasserman) p'r andàr-'g a fónd. Un còrp a salta fóra ma 'l è sénsa cô.