La casa del diavolo
|
C'l artìcul chè 'l è scrit in
Miranduléś |
 The Devil's Rejects
| ||
| La casa del diavolo | ||
 La Priscilla Barnes in na figùra dal film | ||
| La cà dal diàvul 2005 | ||
|---|---|---|
| Regìa: Rob Zombie | ||
| Scritōr: Rob Zombie | ||
| Atōr: Sid Haig • William Forsythe • Sheri Moon Bill Moseley • Ken Foree • Matthew McGrory Priscilla Barnes • Tyler Mane • Geoffrey Lewis | ||
| Müsica: Tyler Bates • Terry Reid • Rob Zombie | ||
| Léngua: Ingléś • Spagnōl | ||
| Dürä dal film: 107 minüt | ||
| Nasiōṅ: Stat Unî • Germàgna | ||
La casa del diavolo (La cà dal diàvul) 'l è 'n film ad scarésa americàṅ e tedésc dal 2005 scrit e dirèt par Rob Zombie, séguit dla pelìcula La casa dei 1000 corpi.
Cl'òpra chè l'à fat sù dagnóra vint migliòṅ ad dòlar dòp ès'r-an custàda sèt.
Sunt
Decìś a far-la finìda cun la famìja sasìna di Firefly, al sierìf John Quincy Wydell (William Forsythe) insém a soquànt sò pulisiòt al và a bcar-i diretamènt in dla sò faturìa dal Tèxas. Durànt al scónt'r a fōg Rufus (Tyler Mane) al mōr méntar sò màdar (Leslie Easterbrook) la vîṅ ciapàda e purtàda via.
Di àtar fiōi Otis (Bill Moseley) e la Baby (Sheri Moon Zombie) i gh la càv'n a scapàr via par pò métar-'s in cuntàt cun sò pàdar, al capitàṅ Spaulding (Sid Haig), méntar Tiny (Matthew McGrory) 'l è bòṅ ad lugàr-as bèṅ. In dla cà Wydell al cata 'n muć ad cadàvar sparpajâ in gir, pò al dà 'l incàr'g a Rondo (Danny Trejo) e a Billy Ray Snapper (Dallas Page) 'd andàr a catàr i mémbar dla famìja ch'i èṅ sparî, òspit dal caśèṅ ad Charlie Altamont (Ken Foree).