L'innocenza del peccato
|
C'l artìcul chè 'l è scrit in
Miranduléś |
 La fille coupée en deux
| ||
| L'innocenza del peccato | ||
 La Ludivine Sagnier in na figùra dal film | ||
| L'inusénsa dal pcâ 2007 | ||
|---|---|---|
| Regìa: Claude Chabrol | ||
| Scritōr: Claude Chabrol • Cécile Maistre | ||
| Atōr: Ludivine Sagnier • Benoît Magimel Marie Bunel François Berléand • Caroline Sihol Etienne Chicot • Edouard Baer • Valéria Cavalli Edouard Baer • Mathilda May • Charley Fouquet | ||
| Müsica: Matthieu Chabrol | ||
| Léngua: Francéś | ||
| Dürä dal film: 115 minüt | ||
| Nasiōṅ: Frància • Germàgna | ||
L'innocenza del peccato (L'inusénsa dal pcâ) 'l è 'n film dramàtic francéś e tedésc dal 2007 ad Claude Chabrol. Al tìtul itagliàṅ al n gh'à gnint da spartìr cun qvél uriginàł, “La fille coupée en deux” ch'a vrév dir “La ragàsa tajàda in dū”.
'L è stâ preśentâ fóra cuncōrs a 'l 64śum Fèstival ad Venèsia in dua al regìsta 'l à ciapâ 'l prèmi "Bastòṅ Biànc".
Sunt
La Gabrielle Aurore Deneige (Ludivine Sagnier) l'è na bèla ragasōla ch'la fà 'l previśiòṅ dal tèmp par na televiśiòṅ pìcula ad Liòṅ sprand che prèst i gh dìsan un prugràma più impurtànt tut par lē. Sò màdar Marie (Marie Bunel) la lavóra invéci in un negòsi ch'al vénd di lìbar. Un dè la cgnós un scritōr in là c'n i an amànt dal citasiòṅ, Charles Saint-Denis (François Berléand), e la dvènta la sò amànta anc se lò 'l è bèla spuśâ. Soquànt tèmp dòp anc al śōvan Paul Gaudens (Benoît Magimel) al la véd par caś e al s inamóra subìt ad lē. Chi lò 'l è bèl, ric sfundâ, un milurdèṅ visiâ tròp da sò màdar Geneviève (Caroline Sihol) ch'la gh dà sèmpar ragiòṅ e tut qvél ch'al vōl. La Gabrielle la decìd ad mét'r-as anc sèg.
C'n al pasàr dal tèmp al scritōr al la cunvìns a pruàr di quèi più malnét e a far sès cun dl'atra gint, a n impòrta mia l'età, e scambi ad còpia. La Gabrielle la gh cata gust però la capìs ch'al vèć al n è briśa la parsòna ch'la faga a 'l caś suo anc par via dal sò cinìśum sénsa lìmit. La s mét acsè cun Paul definitivamènt e la 'l spóś' anc, cun sò màdar che però la gh dà sèmp'r adòs. Durànt na fèsta a sucéd però che lò, gelóś mat ad Charles, 'l al cópa in frònt a tut, finénd acsè in parśòṅ. Daspràda la Geneviève la dmanda ajùt a sò nōra p'r avér al sò apòǵ par catàr di mutìṿ par réndar più lśéra la sò puśisiòṅ. La Gabrielle, da minciòna, la s fà cunvìnśar e sōl a 'l ùltim la gh'à la manéra ad védar 'd èsar stada imbujàda parchè la n pòrta a cà gnint da i Gaudens, a part na màchina da pôc. Inóltar l'è anc custréta a far al valìś cun Paul ch'al dmanda 'l divòrsi.
Par vìvar la Gabrielle la gh'à da far la ragàsa da tajàr in dū in dal cîrc ad sò sio prestigiadōr, pasànd al sò giurnàdi in sal tàvul dla màchina par śgar la légna.