Jurassic Park (film)
|
C'l artìcul chè 'l è scrit in
Miranduléś |
 Jurassic Park
| ||
.png) La Laura Dern e Goldblum in na figùra dal film | ||
| Parc Giuràsic 1993 | ||
|---|---|---|
| Regìa: Steven Spielberg | ||
| Scritōr: Michael Crichton • David Koepp | ||
| Atōr: Jeff Goldblum • Laura Dern • Sam Neill Richard Attenborough • Samuel L. Jackson Bob Peck • Martin Ferrero • Cameron Thor BD Wong • Joseph Mazzello • Ariana Richards | ||
| Müsica: John Williams | ||
| Léngua: Ingléś • Spagnōl | ||
| Dürä dal film: 127 minüt | ||
| Nasiōṅ: Stat Unî | ||
Jurassic Park (Parc Giuràsic) 'l è 'n film fantàstic americàṅ dal 1993 ad Steven Spielberg, vinsidōr ad tri Prèmi Òscar p'r al muntàǵ, p'r al sunōr e par gl'efèt speciài.
Al gh'à abû un sucès cumerciàł dimóndi grôs avénd muciâ sù da piò 'd un migliàrd ad dòlar a frònt 'd un cóst ad ssanta-tri, cun sinc séguit: Il mondo perduto - Jurassic Park (1997), Jurassic Park III (2001), Jurassic World (2015), Jurassic World - Il regno distrutto (2018) e Jurassic World - Dominion (2022).
Sunt
Al sógn ad John Hammond (Richard Attenborough), 'n americàṅ pîṅ 'd bèsi, al s è realiśâ. In segrét, su n'ìśula d'l ucéan atlàntic, 'l è stâ bòṅ ad tiràr sù un parc ad divèrtimènt cun di dinusàur dèntar. Cal bèsti chè i èṅ stadi purtàdi in vita cun dal tècnichi ad clunasiòṅ da 'l siensiâ Henry Wu (BD Wong) ch'l à trat al sò DNA da 'l sànguv ad soquànti sinsàli ch'i vivìv'n in dal giuràsic.
Hammon 'l invìda in dal parc di espèrt cuma i dutōr Alan Grant (Sam Neill) e l’Ellie Sattler (Laura Dern) e di àtar persunàǵ cuma Ian Malcom (Jeff Goldblum) e Donald Gennaro (Martin Ferrero). Al tècnig Dennis Nedry (Wayne Knight) al pénsa però ad far di bèsi vindénd di embriòṅ a di cuncurènt.
In cal mént'r i dinusàur però i faṅ capìr a tut i cristiàṅ che lōr i n èṅ minga dal bèsti cuma tuti chi atri.