Julieta (film)
|
C'l artìcul chè 'l è scrit in
Miranduléś |
 Julieta
| ||
.png) La Rossy de Palma in na figùra dal film | ||
| id. 2016 | ||
|---|---|---|
| Regìa: Pedro Almodóvar | ||
| Scritōr: Pedro Almodóvar • Alice Munro | ||
| Atōr: Emma Suárez • Daniel Grao • Inma Cuesta Adriana Ugarte • Darío Grandinetti • Pilar Castro Michelle Jenner • Rossy de Palma • Nathalie Poza | ||
| Müsica: Alberto Iglesias | ||
| Léngua: Spagnōl | ||
| Dürä dal film: 99 minüt | ||
| Nasiōṅ: Spaggna | ||
Julieta (id.) 'l è 'n film dramàtic dal 2016 ad Pedro Almodóvar trat da tri racònt cic dl'Alice Munro ch'i s càt'n in dla racòlta „In fuga“ dal 2004.
La pelìcula, preśentàda a 'l 69śum Fèstival ad Cannes, l'è stada bòna 'd far sù vint-a-du migliòṅ e mèś ad dòlar.
Sunt
La Julieta Arcos (Emma Suárez) l'è drē a partìr p'r un viàś in Purtugàl insém a Lorenzo (Darío Grandinetti), al sò óm 'd adès, quànd par strada a Madrìd l'incróśa la Beatriz (Michelle Jenner), n'amìga 'd sò fiōla Antía (Blanca Parés) da quànd che lōr i éran pìculi. La ragàsa, ch'la n sà minga ch'la Julieta la n la véd minga da dimóndi tèmp, la gh cònta ch'la l'à péna vduda in Itàglia in un paiśèṅ su 'l Lâg ad Còm insém a i sò tri fiōi. Avēr dal nutìsi dl’Antía pasâ tut cal tèmp lè la manda in depresiòṅ la dóna ch'la próa acsè a 'rcurdàr e a butàr śò su 'n quadèr'n i sò pinsēr.
La Julieta l'iva cgnusû al pàdar dl’Antía, al pascadōr Xoan Feijoó (Daniel Grao), su 'n trêṅ e l'éra armàśa gravda subìt dòp na ciulàda lè insìma. Turnàda da lò dòp soquànt méś prima 'd parturìr, mulànd al sò mistēr 'd insgnànta 'd létri, la dóna l'iva cgnusû la dóna di fat Marian (Rossy de Palma) e na gusa-amìga 'd Xoan ch'la fà dal statṿi 'd fèr e śmàlta, l’Ava (Inma Cuesta). A la mòrt dal sò óm, durànt na timpèsta in mâr, la Julieta l'iva tòlt in afìt 'n apartamènt darènt a la cà dla Beatriz ch'la s éra in cal méntar fata amìga 'd sò fiōla, cgnusùda in campéǵ. Ma muciâ daśdòt an la ragàsa l'iva decìś 'd a n far-as più védar da lē, 'd andàr via e 'd tacàr un parcōrs spirituàł par sò cònt in Śvisra.