Jost Amman

 Carpśàn

C'l artìcol chè 'l è scrit in Carpśàn

'Na só xilografìa ch'la fà vèder, in dū disègn cùm'a s e-stampa propi in dla xilografìa: prima a s intàja al lègn c'n al bulèin, po' a s e-spèlma al cliscè cun 'l inciòster

Jost Amman 'l éra stê 'n pitōr e 'n inciśōr śvìser (Śurîg 1539 - Nurimbèrga 1591). 'L ìva piturê dal vedrèdi p'r al Dôm ed Śurîg e fat dimòndi inciśiòun, presióśi per la storia dal custùm populêr e di mistēr di agìnt. In mèś ai só quèder, 'l ònic cgnusû 'l è 'l Artràt 'd un sàģ, tgnû in mostra in dal Muśéo 'd Baśiléa.