Join Hands

 Miranduléś

C'l artìcul chè 'l è scrit in Miranduléś

«

The word you learn to love (the disapproval that you hate) that's Mother (from Mother), they teach you to respect... (makes you always want to please), mother (mother), the one who keeps you warm (the one who keeps you warm) and shelters you from harm (and shelters you from harm), watch out she'll stunt your mind (she'll open up your mind) 'til you emulate her kind (to make you good and make you kind), is that Mother? (Mother).»

(EN)(Mother/Oh Mein Papa, 1979)

«

La paròla ch't impâr a vlèr bèṅ (al dar cóntar ch't òdi) l'è Màdar (da la Màdar), i t inségnan a purtàr-ag rispèt (a fà in manéra ch'at vō sèmpar piaśēr-ag), màdar (màdar), qvéla ch'la t tîṅ sèmp'r a 'l cald (qvéla ch'la t tîṅ sèmp'r a 'l cald) e la t prutèś da 'l mâł (e la t prutèś da 'l mâł), òcio ch'la t blòca la mènt (la t v'rarà la mènt) in fiṅ tant ch't farà àtar tant (par far-at dvintàr bòna e gentìla), è-la qvésta chè na Màdar? (Màdar).»

(MUD)

Join Hands 1979
Siouxsie and the Banshees
Tip 'd àlbum: Studi
Gènar: Gothic rock
Etichéta: Polydor Records
Num'r ad braṅ: 8
Duràda: 42:24 minùt
Sìngui: Playground Twist
Precedènt: The Scream
Sucesìṿ: Kaleidoscope

Join Hands 'l è 'l secónd àlbum in studi dal grup dark di Siouxsie and the Banshees. 'L è stâ publicâ al 7 ad Setémbar dal 1979 rivànd pò a ìl 13śum pòst dal clasìfichi britànichi.

Al chitarìsta John McKay e 'l baterìsta Kenny Morris i aṅ pò mulâ 'l grup pôc tèmp dòp, subìt prima 'd un cuncèrt ch'i gh'ìvan da far a Aberdeen al 17 ad Setémbar dal 1979 cun la Siouxsie ch'la s è incasàda négra sèg dedicànd-ag pò la canta Drop Dead/Celebration (Carpâ/A fém fèsta).

Braṅ

Tut i pès i èṅ stâ scrit par Siouxsie & The Banshees a part i tèst ad Poppy Day (adatamènt dal puéma 'd guèra “In Flanders Fields” ad John McCrae) e ad Oh Mein Papa (na canta tedésca ad Paul Burkhard).

1. Poppy Day - 2:00
2. Regal Zone - 3:04
3. Placebo Effect - 4:36
4. Icon - 5:25
5. Premature Burial - 5:53
6. Playground Twist - 2:59
7. Mother/Oh Mein Papa - 3:37
8. The Lord's Prayer - 14:07

Al 29 ad Maǵ dal 2006 al grup 'l à fat catàr in di negòsi n'edisiòṅ speciàla ad cal lavōr chè, masteriśàda ad nóṿ, cun di pès śuntâ:

9. Love in a Void (7" double A-side)
10. Infantry (previously unreleased track)

Furmasiòṅ

• Siouxsie Sioux - vóś, piàṅ
• Steven Severin - bas
• John McKay - chitàra, saxòfun
• Kenny Morris - baterìa

Culegamènt estéran

• (IT) Recensiòṅ dal disc in sal sit ad Metallus