Johns
|
C'l artìcul chè 'l è scrit in
Miranduléś |
 Johns
| ||
| Johns | ||
 David Arquette in na figùra dal film | ||
| Putanēr 1996 | ||
|---|---|---|
| Regìa: Scott Silver | ||
| Scritōr: Scott Silver | ||
| Atōr: David Arquette • Lukas Haas • Wilson Cruz Elliott Gould • Keith David • Christopher Gartin John C. McGinley • Sydney Lassick • Chris Gartin Alanna Ubach • N'Bushe Wright • Richard Kind | ||
| Müsica: Charles Brown • Danny Caron | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Johns (Putanēr), cgnusû in Itàglia anc cuma La dura vita dei ragazzi di strada, 'l è 'n film dramàtic americàṅ dal 1996 ad Scott Silver ch'al 'l à anc scrit.
'L à fat sù pôc da piò ad sinquànta-mila dòlar.
Sunt
John (David Arquette) 'l è 'n śōvan califurgnàṅ ad vint an ch'al fà 'l marchetàr a Los Angeles cun na làgarma disgnàda da na banda 'd 'n òć. Al cgnós anc na manéra furba par far sù di bèsi in présia, qvéla ad fargàr-'n a i sò cliènt dòp avér fat sès sèg. A la vigìglia 'd Nadâl e dal sò cumpléan però a sucéd a lò 'd èsar futû parchè qualchidòṅ al gh pòrta via 'l scarpi mént'r al punsàva in un parc sitadèṅ. Lè dèntar lò al lugàva i bèsi ch'l iva fat sù cla nòt lè faghénd al putàṅ par strada e dònca 'l ragàs 'l è incasâ nég'r anc parchè cal scarpi lè 'd ginàstica i gh purtàvan furtùna a sò dita.
Un sò amìg delinquènt casâ via 'd cà ch'al fà 'l sò stés mistēr, Donner (Lukas Haas), al próa a tiràr-al sù e al gh śibìs ad cambiàr vita scapànd insém vèrs al Missouri vist ch'in cal mént'r al s è anc inamurâ 'd lò. Da cal bandi là al gh'à 'n parènt ch'al prév dar-'g un lavōr sèri. Prima 'd partìr par Branson, John al decìd ad far-as l'ultma marchéta dla sò vita in manéra ad mét'r-as quèl in bisàca ma a gh'è 'n strusèṅ ch'al vansa di bèsi da lò, Jimmy (Terrence Howard), ch'al gh stà adòs.