It (série televiśìva)
|
C'l artìcul chè 'l è scrit in
Miranduléś |
 It
| ||
.png) Tim Curry e Tony Dakota in na figùra dal film | ||
| Al quèl 1990 | ||
|---|---|---|
| Regìa: Tommy Lee Wallace | ||
| Scritōr: Stephen King Tommy Lee Wallace • Lawrence D. Cohen | ||
| Atōr: Tim Curry • John Ritter • Richard Thomas Tim Reid • Dennis Christopher • Annette O'Toole Harry Anderson • Richard Masur • Olivia Hussey Sheila Moore • Jarred Blancard • Gabe Khouth Venus Terzo • Frank C. Turner • Merrilyn Gann | ||
| Müsica: Richard Bellis | ||
| Léngua: Ingléś | ||
| Dürä dal film: 192 minüt | ||
| Nasiōṅ: Stat Unî • Cànada | ||
It (Al quèl) l'è na série televiśìva in dū puntàdi dal 1990 ad Tommy Lee Wallace, trata da 'l rumànś ad scarésa umònim ad Stephen King.
Al tìtul dla pelìcula al fà riferimènt a 'l prunóm dla tèrsa parsòna singulàra in ingléś riferìda a i quèi o a 'l situasiòṅ e dònca a 'l emigliàṅ „A“.
Sunt
In di an Ssanta, in dla sitadìna americàna 'd Derry in dal Maine, cal brut grintèṅ 'd Henry Bowers (Jarred Blancard) al gh l'à a mòrt c'n un grup ad ragasōi dal paéś ch'a sò dita i fànan part dla „banda di pardènt“. A s trata dal négar Mike Hanlon (Marlon Taylor), dal tartajadōr Bill Denbrough (Jonathan Brandis), dal chichèṅ (aśmàtig) Eddie Kaspbrak (Adam Faraizl), dla cla bòcia 'd lard ad Ben Hanscom (Brandon Crane), dla purtinàra Beverly Marsh (Emily Perkins), d'l ebrèj Stan Uris (Ben Heller) e dal quàt'r-òć Richie Tozier (Seth Green). Chi lōr i s èṅ mis insém par cumbàt'r un pajàs dimóndi catìṿ ciamâ Pennywise (Tim Curry) ch'al gh cata gust a masàr i putèṅ par pò śbrandlàr-i e magnàr-i, cum è sucès anc a 'l pòvar Georgie (Tony Dakota), al fradlèṅ ad Bill, in dal méntar ch'al śugàva faghénd andàr la sò barca 'd carta lung al puci.
Ligâ a l'àqua, tant ch'al diś che da lò tut i armàgn'n a gala, al pajàs al vîṅ scunfìt in dla canaléta in du 'l viṿ, da 'l grup di sèt baghét druànd di buclèṅ 'd argìnt.
Trént'an dòp però i masamènt i tàc'n incóra e i sèt, ch'i s èṅ prumìs ad turnàr insém s'a gh fus stâ biśógn, i èṅ custrét a turnàr a Derry rispundénd a na ciamàda 'd Mike (Tim Reid), a part Stan (Richard Masur) ch'al preferìs tajàr-'s al véni in bagn. Bill (Richard Thomas) al lasa a cà sò mujēr Audra (Olivia Hussey), Ben (John Ritter) al riva sénsa piò la pansa, la Beverly (Annette O'Toole) la mòla 'l sò muróś ch'alvàva 'l maṅ sèg, Eddie (Dennis Christopher) 'l à capî ch'al sò mâł al daśvgnìva da la mènt anc s'al n pōl far a méno listés dal sò sprusèṅ méntar Richie (Harry Anderson) adès al fà 'l scritōr ad cumèdi.