Io zombo, tu zombi, lei zomba
|
C'l artìcul chè 'l è scrit in
Miranduléś |
 Io zombo, tu zombi, lei zomba
| ||
 La Nadia Cassini in na figùra dal film | ||
| Mè a śómb, tè at śómb, lē la śómba 1979 | ||
|---|---|---|
| Regìa: Nello Rossati | ||
| Scritōr: Roberto Gianviti Paolo Vidali • Nello Rossati | ||
| Atōr: Duilio Del Prete • Renzo Montagnani Cochi Ponzoni • Nadia Cassini • Daniele Vargas Gianfranco D'Angelo • Anna Mazzamauro Tullio Solenghi • Vittorio Marsiglia • Vera Drudi | ||
| Müsica: Gianfranco Plenizio | ||
| Léngua: Itagliàṅ | ||
| Dürä dal film: 97 minüt | ||
| Nasiōṅ: Itàglia | ||
Io zombo, tu zombi, lei zomba (Mè a śómb, tè at śómb, lē la śómba) l'è na cumèdia négra dal 1979 ad Nello Rossati.
Sunt
Méntar 'l è drē a pisàr darènt a 'n campsànt, un ciclìsta (Cochi Ponzoni) al vîṅ mis sóta da dū màchini guidàdi da 'n dutōr ad Predàpi (Daniele Vargas) e da 'n rapreśentànt (Duilio Del Prete). I mōran tut tri su 'l cólp.
Al becamòrt dal paéś (Renzo Montagnani) al i mét dèntar dal casi da mòrt pò al taca a lèś'r un rumànś in dū a gh'è na fórmula voodoo che dita da lò a vóś élta la i pòrt' incór' in vita cuma śómbi. Vdénd i tri óm incóra in pē a 'l becamòrt a gh vîṅ un cōlp e 'l mōr a sò vòlta ma la fraś màgica dal lìbar la fà efèt anc su 'd lò. Al grup al capìs 'd èsar furmâ da di mòrt viṿ e che par scampàr i gh'aṅ dònca da magnàr la carna di cristiàṅ. Esénd tròp lènt a giràr p'r andàr a casa i decìd'n ad cavàr-as la fam masànd i cliènt 'd al mutèl dla sîna dal ciclìsta (Vera Drudi).
I prim òspit dla strutùra i èṅ un tuscàṅ ch'al guìda 'n caratòṅ di mòrt (Ghigo Masino) e na famìja 'd parsòni in du 'l óm ciamâ Vittorio (Vittorio Marsiglia) al gh'à da cumpatìr-as na mujēr ch'la ciacàra 'd cuntìnuv (Anna Mazzamauro) e 'n putèṅ ch'al gh'à 'l diàv'l adòs (Fabrizio Vidale) e gh'al gh cata gust a far di dispèt a tut. In séguit a riva anc un malâ ch'al gh i à tut lò (Gianfranco D'Angelo) e 'n delinquènt (Giancarlo Sisti) ch'insém a la sò amànta Nadia (Nadia Cassini) 'l à péna cupâ sò marè pîṅ 'd bèsi (Tullio Solenghi).