Il regista di matrimoni

C'l artìcul chè 'l è scrit in Miranduléś Emiliàn

Video-x-generic.svg Il regista di matrimoni
Regista di matrimoni.png
Sergio Castellitto in na figùra dal film
Al regìsta 'd matrimòni
2006
Regìa: Marco Bellocchio
Scritōr: Marco Bellocchio
Atōr: Sergio CastellittoDonatella Finocchiaro
Sami FreyBruno CarielloMaurizio Donadoni
Gianni CavinaCarmelo GalatiClaudia Zanella
Müsica: Carlo Crivelli
Léngua: ItagliàṅTedéscSicigliàṅ
Dürä dal film: 97 minüt
Nasiōṅ: ItàgliaFrància


«
In Itàglia i cmànd'n i mòrt.»


Il regista di matrimoni (Al regìsta 'd matrimòni) 'l è 'n film dramàtic itagliàṅ e francéś dal 2006 scrit e dirèt par Marco Bellocchio.

La pelìcula, giràda a Cefalù, l'à vins dū Nàstar 'd Argìnt e l'è stada preśentàda a 'l 59śum Fèstival ad Cannes.

Sunt

Franco Elica (Sergio Castellitto) 'l è 'n regìsta famóś in Itàglia mo minga a 'l èstar che, dòp al matrimòni 'd sò fiōla Chiara (Claudia Zanella), al gh'à da giràr cóntar-vója un film trat da 'l rumànś I promessi sposi. Un dè in di sò ufìsi 'd Róma a riva na ragàsa ciamàda Bona (Donatella Finocchiaro) ch'la vrév tōr part a la pelìcula. Par far al rōl dla Lucia Mondella chi lē la dascór c'n un culaburadōr ad Franco, Micetti (Maurizio Donadoni), ch'al gh diś che par dar un cuć a la pràtica a gh sarév da far un buchèṅ a 'l regìsta, par cgnós'r-as méj ch'a n gh'è mai tèmp. La śōvna la n è mia tant dl'idéa pò, a n sèrt punt, i rìvan lè dū óm ch'i la péscan ma lē la gh la cava a scapàr via. Purtròp p'r Elica, ch'a n gh'èntra gnint, la pulisìa in pôc tèmp la mét sóta sequèstar la strutùra ch'la gh'à d'indagàr su 'l reàt 'd mulèsti sesuàli.

Franco al tōś un trêṅ finénd in Sicìglia. In spiàgia 'l incróśa prima 'n regìsta 'd matrimòni sò amiradōr, Enzo Baiocco (Bruno Cariello), jutànd-'l in dal muntàǵ dal filmèṅ, pò 'n regìsta impgnâ ma mai premiâ in di fèstival, Orazio Smamma (Gianni Cavina), ch'al s è dâ mòrt par vìnsar finalmènt quèl, parchè in „In Itàglia i cmànd'n i mòrt“.

Dòp avēr vdû al film dal matrimòni fat tgnénd cònt di cunsìli 'd Elica, a sò dita dimóndi fat bèṅ e difarènt da tut chi àtar, al prìnsip Gravina 'd Palagògna (Sami Frey) al dmanda a Franco 'd giràr qvél ad sò fiōla, ch'l'è pròpria la Bona, dada in spóśa a 'n nutàr cun di bèsi. Quànd al regìsta al la véd al s inamóra 'd lē e 'l s mét in tèsta che cal matrimòni lè a n s gh'à minga da far.

Culegamènt estéran