Il passo dell'assassino
|
C'l artìcul chè 'l è scrit in
Miranduléś |
 Revenge
| ||
| Il passo dell'assassino | ||
 La Joan Collins e Marshall in na figùra dal film | ||
| Al pas dal sasèṅ 1971 | ||
|---|---|---|
| Regìa: Sidney Hayers | ||
| Scritōr: John Kruse | ||
| Atōr: Joan Collins • James Booth • Ray Barrett Tom Marshall • Sinéad Cusack • Kenneth Griffith | ||
| Müsica: Eric Rogers | ||
| Léngua: Ingléś | ||
| Dürä dal film: 89 minüt | ||
| Nasiōṅ: Régn Unî | ||
Il passo dell'assassino (Al pas dal sasèṅ) 'l è 'n thriller dramàtic dal 1971 ad Sidney Hayers.
Sunt
I pruprietàri 'd un pub ingléś, Jim (James Booth) e la Carol Radford (Joan Collins), i èṅ in lut par la mòrt dla sò putìna, la Jenny, viulentàda e pò masàda da 'n manìac. La pulisìa la créd ch'al culpévul al sia 'n put dal pòst ciamâ Seely (Kenneth Griffith) ch'al stà darènt a la sò scōla ma, p'r al fat ch'i n gh ànan minga dal próvi abàsta cónt'r ad lò, 'l ispetōr (Donald Morley) 'l è custrét a lasàr-al lìbar.
Un dè a s fà viṿ al pàdar dn'atra vitma dal viulentadōr, Harry (Ray Barrett), e 'l diś a Jim ch'i gh'aṅ da far quèl, mōv'r-as da par lōr par far giustìsia. Chi lò al gh śibìs ad sequestràr-al e pò dar-'g un muć ad bòti par far-al cunfesàr. I dū i s fànan jutàr in dal sò piàṅ par Lee (Tom Marshall), òṅ di dū fiōi, l'atra l'è la Jill (Zuleika Robson), che Jim 'l à abû da 'l prim matrimòni. Seely al vîṅ fat parśunēr e pò srâ dènt'r a la cantìna. Lè prima 'l ciàpa tant ad chi marùc ch'i gh làsan di nis e di taj in dal grugn, pò Jim 'l al stròsa par l'arlìa.
Al dè dòp al grup al decìd ad lugàr al cadàvar sóta na culàda 'd cimènt esénd che lè darènt a gh'è 'n cantēr in du i èṅ drē a tiràr sù 'n palàs. Quànd però i al vàn'n a tōr in cantìna i s réndan cónt ch'l è incóra viṿ e ninsòṅ al gh'à 'l curàǵ ad cupàr-al cun na martlìna.