Il labirinto del fauno
|
C'l artìcul chè 'l è scrit in
Miranduléś |
 El laberinto del fauno
| ||
| Il labirinto del fauno | ||
 Sergi López in na figùra dal film | ||
| Al labirìnt dal fàun 2006 | ||
|---|---|---|
| Regìa: Guillermo del Toro | ||
| Scritōr: Guillermo del Toro | ||
| Atōr: Ivana Baquero • Sergi López • Doug Jones Maribel Verdú • Ariadna Gil • Roger Casamajor Álex Angulo • Manolo Solo • Ivan Massagué César Vea • Francisco Vidal • Juanjo Cucalón | ||
| Müsica: Javier Navarrete | ||
| Léngua: Spagnōl | ||
| Dürä dal film: 118 minüt | ||
| Nasiōṅ: Spaggna • Mèsic • Stat Unî | ||
Il labirinto del fauno (Al labirìnt dal fàun) 'l è 'n film fantàstic dal 2006 ad Guillermo del Toro ch'al 'l à anc scrit. A s trata dal film spagnōl ch'l à muciâ sù da piò in dla stòria, da piò 'd utànta migliòṅ ad dòlar dòp ès'r-an custâ daśnóṿ.
La pelìcula, preśentàda in cuncōrs a 'l 59śum Fèstival ad Cannes, l'à vins tri Prèmi Òscar a frònt ad siē candidadùri, qvéi par la futugrafìa, par la senugrafìa, e p'r al truc.
Sunt
In dal 1944, finìda la guèra sivìla spagnōla, al capitàṅ Vidal (Sergi López) e i sò óm i dàṅ la casa a di arvèrs a 'l regìm ad Francisco Franco lugâ in di bòsc dal muntàgni a nòrd dla Navàrra. Un dè a riva in dla baś militàra sò mujēr Carmen (Ariadna Gil) ch'la spéta 'n putèṅ da lò. Sèg la gh'à anc sò fiōla Ofelia (Ivana Baquero) abùda da n'atra relasiòṅ.
La putìna la vîṅ a savēr ch'la dóna ch'la gh tîṅ adrē, la Mercedes (Maribel Verdú), l'è 'd acòrd c'n al grup di arvèrs acsè cuma 'l mèdag ch'al gh'à in cura sò màdar, al dutōr Ferreiro (Álex Angulo). La baghéta la s tîṅ tut par lē ma chi lē la gh'à anc 'n àtar segrét. Durànt un viàś ad nòt in dal bòsc, tgnénd adrē a 'n insèt, 'l à cgnusû 'n fàun in un labirìnt ch'al gh'à dit che lē, a dir dabòṅ, l'è la reincarnasiòṅ dla Moana, la fiōla dal Rè dal mónd sót-tèra e che par turnàr in dal sò régn la gh'à da pasàr soquànti próvi ch'i cumpariràṅ in dal lìbar màgic ch'al gh'à śibî.