Il figlio di Spartacus
|
C'l artìcul chè 'l è scrit in
Miranduléś |
 Il figlio di Spartacus
| ||
 Steve Reeves in na figùra dal film | ||
| Al fiōl ad Spartacus 1962 | ||
|---|---|---|
| Regìa: Sergio Corbucci | ||
| Scritōr: Adriano Bolzoni Giovanni Grimaldi • Bruno Corbucci | ||
| Atōr: Steve Reeves • Gianna Maria Canale Jacques Sernas • Claudio Gora • Ombretta Colli Franco Balducci • Roland Bartrop • Gloria Parri Renato Baldini • Ahmed Ramzy • Enzo Fiermonte | ||
| Müsica: Piero Piccioni | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia | ||
Il figlio di Spartacus (Al fiōl ad Spartacus) 'l è 'n film mitulògic itagliàṅ dal 1962 ad Sergio Corbucci.
Sunt
Dòp avēr cumbatû cun sucès in Egìt, al suldâ rumàṅ Randus (Steve Reeves) 'l è prumòs a centuriòṅ par Julius Caesar (Ivo Garrani) ch'al gh dà anc al còmpit ad tgnir 'd òć in segrét Marcus Licinius Crassus (Claudio Gora), mémbar dal Triumvirâ, ch'al cmanda in dal pruìnsi urientàli d'l Impēr Rumàṅ.
Randus 'l ubidìs e 'l partìs par la sità 'd Zeugma in nâṿ insém a 'l sò amìg Lumonius (Roland Bartrop), a 'l ufisiàł gàlic Vetius (Jacques Sernas) e a la patrìsia Claudia (Gianna Maria Canale). Par via dla fumàna la nâṿ la ciàpa incòst a na maśàgna e Randus, par salvàr na sèrva egisiàna ch'la gh piàś dimóndi, la Saida (Ombretta Colli), al s buta in mâr sèg.
In dal deśèrt al vîṅ a savēr da 'n èx gladiadōr adès a cap di arvèrs, Gulbar (Enzo Fiermonte), che lò 'l è 'l fiōl ad Spàrtac e al gh admànda 'd guidàr al sò pòpul.