Il fantasma di Londra
|
C'l artìcul chè 'l è scrit in
Miranduléś |
 Der Mönch mit der Peitsche
| ||
| Il fantasma di Londra | ||
 Na figùra dal film | ||
| Al fantàśma 'd Lóndra 1967 | ||
|---|---|---|
| Regìa: Alfred Vohrer | ||
| Scritōr: Edgar Wallace • Herbert Reinecker | ||
| Atōr: Joachim Fuchsberger • Tilly Lauenstein Uschi Glas • Konrad Georg • Harry Riebauer Grit Boettcher • Ilse Pagé • Siegfried Rauch | ||
| Müsica: Martin Böttcher | ||
| Léngua: Tedésc | ||
| Dürä dal film: 88 minüt | ||
| Nasiōṅ: Germàgna Òvest | ||
Il fantasma di Londra (Al fantàśma 'd Lóndra) 'l è 'n śal tedésc dal 1967 'd Alfred Vohrer trat da 'n rumànś 'd Edgar Wallace intitulâ „Al terōr“. 'L è stâ girâ a Berlîṅ.
Sunt
Su incàrag 'd 'n óm misterióś e dal sò jutànt Greaves (Günter Meisner), e cun 'l apòǵ ad dū secundèṅ e dal persunàł dla cuśìna, al detenû Frank Keeney (Siegfried Rauch) al vîṅ liberâ 'd parśòṅ p'r andàr a masàr dal ragàsi ch'i stùdian in d'l istitût dla diretōra Harriet Foster (Tilly Lauenstein). Par far-al 'l óm al gh'à da druàr dal spray a 'l cianûr da sprusàr-'g in ghigna par pò turnàr dènt'r ad nòt in manéra ch'la pulisìa la n pòsa minga rivàr a 'l sasèṅ.
Frank al cópa in cla manéra chè prima la Pam Walsbury (Ewa Strömberg) in céśa e pò anc la Betty Falks (Grit Boettcher) in 'n àutubus, ragàsi tiràdi dènt'r a 'n gir 'd òrgi a 'l intèran dal culéǵ, urganiśàdi da 'l prufesōr ad chìmiga Keyston (Konrad Georg) e da 'l fradèl dl’Harriet, al scritōr Mark Denver (Harry Riebauer). La studènta Ann Portland (Uschi Glas) la cónta incòśa a 'l ispetōr Higgins (Joachim Fuchsberger) e a Sir John (Siegfried Schürenberg) ch'i tàc'n a indagàr. in séguit anc la Mary Houston (Suzanne Roquette) la vîṅ fata fóra parchè la saìva tròp.
In cal méntar un tisi vistî da mònag rós al masa cun na scùria, scavśànd-ag 'l òs dal còl, prima Keyston e pò Denver e Keeney ch'al vliva più bèsi p'r i sò servìsi.