Il dittatore
|
C'l artìcul chè 'l è scrit in
Miranduléś |
 The Dictator
| ||
| Il dittatore | ||
 Sacha Baron Cohen in na figùra dal film | ||
| Al ditadōr 2012 | ||
|---|---|---|
| Regìa: Larry Charles | ||
| Scritōr: Sacha Baron Cohen Alec Berg • David Mandel • Jeff Schaffer | ||
| Atōr: Sacha Baron Cohen • Ben Kingsley Anna Faris • John C. Reilly • Megan Fox Edward Norton • Chris Elliott • Kevin Corrigan Rizwan Manji • Horatio Sanz • Bobby Lee | ||
| Müsica: Erran Baron Cohen | ||
| Léngua: Ingléś • Ebràic • Àrab | ||
| Dürä dal film: 83 minüt | ||
| Nasiōṅ: Stat Unî | ||
Il dittatore (Al ditadōr) l'è na cumèdia americàna dal 2012 ad Larry Charles.
La pelìcula l'è stada bòna 'd muciàr sù sènt-stantanóṿ migliòṅ ad dòlar dòp ès'r-an custàda ssanta-sinc.
Sunt
Hafez Aladeen (Sacha Baron Cohen) 'l è 'n generàł àrab ch'al cmanda da ditadōr in dal stat africàṅ imaginàri dal Wadiya, cun di cumpurtamènt da ragasōl visiâ. Al dróa i sò bèsi par gusàr-'s al dóni più bèli dal mónd, cuma l'atōra Megan Fox (Megan Fox), e par far na vita da sgnōr. Par difénd'r-as da gl'atintâ al dróa dal cóntar-figùri e quànd qualchidòṅ di sò culaburadōr al próa a dar-ag cóntar o al fà di śbali sèg, lò al li cundàna a mòrt anc s'al n sà minga che chi dasfurtunâ lè i n finìsan pò minga in dla fòsa ma i scàp'n invéci in di Stat Unî in du i s śònt'n a 'n grup 'd upuśidōr.
Cunvucâ a 'l O.N.U. par réndar cònt dal fat ch'al n parmét briśa a di ispetōr internasiunài ad dar 'n òć a i sò armamènt nucleàr, prugèt in càr'g a 'l siensiâ Nadal (Jason Mantzoukas), chi lò al gira in paràda a New York in camèl ma, na vòlta rivâ in albêrg, al vîṅ sequestrâ da 'n tisi ciamâ Clayton (John C. Reilly), un sicàri pagâ da sò sîṅ Tamir (Ben Kingsley) ch'al vrév purtàr la demucrasìa in dal sò paéś ma anc far di afâr vindénd al petròli a 'l èstar.
Dòp avēr-'g-la cavàda a scapàr via, sénsa più barba in dal grugn, Aladeen al s rénd cònt che Tamir al vrév rimpiasàr-al c'n un sò sòśia par firmàr na custitusiòṅ demucràtica in dal Palàs ad Vēdar. Scambiâ pò p'r un pròfug strasòṅ, al ditatōr al cata lavōr da la Zoey (Anna Faris), n'ativìsta 'd sinìstra ch'la s dà da far par jutàr i furastēr buletàri.