Il colore della menzogna
|
C'l artìcul chè 'l è scrit in
Miranduléś |
 Au cœur du mensonge
| ||
| Il colore della menzogna | ||
 Gamblin, la Bonnaire e la Bruni Tedeschi in na figùra dal film | ||
| Al culōr dla bala 1999 | ||
|---|---|---|
| Regìa: Claude Chabrol | ||
| Scritōr: Claude Chabrol • Odile Barski | ||
| Atōr: Sandrine Bonnaire • Valeria Bruni Tedeschi Jacques Gamblin • Bulle Ogier • Bernard Verley Antoine de Caunes • Wendy Malpeli • Pierre Martot | ||
| Müsica: Matthieu Chabrol | ||
| Léngua: Francéś | ||
| Dürä dal film: 113 minüt | ||
| Nasiōṅ: Frància | ||
Il colore della menzogna (Al culōr dla bala) 'l è 'n film śal e dramàtic dal 1999 ad Claude Chabrol.
'L è stâ preśentâ a 'l 49śum Fèstival ad Berlîṅ.
Sunt
Dintór'n a la sità ad Saint-Malo, in dla Bretàgna francéśa, al cumisàri ad pulisìa Frédérique Lasage (Valeria Bruni Tedeschi) l'indàga su 'n fat ad sangṿ sucès in un bòsc, la mòrt dna putìna ad déś an viulentàda e strangulàda, l’Eloïse Michel (Wendy Malpeli). I suspèt dal paéś i èṅ tut su 'n pitōr sòp dal pòst ch'al gh dava dal ripetisiòṅ ad diségn, René Sterne (Jacques Gamblin), e par lò 'l è difìcil tiràr avànti anc se sò mujér, la Vivianne (Sandrine Bonnaire), l'è sèmpar da la sò banda. Chi lē, ad mistēr infarméra, la próa in tut al manéri a tiràr-al sù ma 'l è 'n quèl difìcil anc parchè al lavōr ad pitōr al n gh pòrta minga tant bèsi.
Un dè a riva lè al scritōr e giuralìsta dla televiśiòṅ Germain-Roland Desmot (Antoine de Caunes) ch'al gh'à da scrìvar quèl su 'l masamènt dla putìna. Quànd al cgnós la Vivianne al taca a far-'g al fîł e la dóna la fà fadìga a reśist'r-ag. Na sira, dòp che lò 'l à magnâ òspit a cà di Sterne, René 'l al cumpàgna a cà ma 'l dè dòp al vèṅ catâ mòrt e anc la Vivianne la taca a pinsàr ch'al “móstar” al sia lò. Anc la Lasage la taca a far-as viva da spés e la gh'è sèmp'r adòs.