Il campo di cipolle
|
C'l artìcul chè 'l è scrit in
Miranduléś |
 The Onion Field
| ||
| Il campo di cipolle | ||
 Woods e Franklyn Seales in na figùra dal film | ||
| Al camp ad sigóli 1979 | ||
|---|---|---|
| Regìa: Harold Becker | ||
| Scritōr: Joseph Wambaugh | ||
| Atōr: James Woods • John Savage • Ronny Cox Franklyn Seales • Ted Danson • Priscilla Pointer Christopher Lloyd • Dianne Hull • John de Lancie | ||
| Müsica: Eumir Deodato | ||
| Léngua: Ingléś | ||
| Dürä dal film: 122 minüt | ||
| Nasiōṅ: Stat Unî | ||
Il campo di cipolle (Al camp ad sigóli) 'l è 'n film dramàtic dal 1979 'd Harold Becker trat da 'l racònt criminàl umònim ad Joseph Wambaugh ch'al cònta di fat sucès dabòṅ.
La pelìcula l'à muciâ sù dagnóra déś migliòṅ ad dòlar in tut.
Sunt
Al 2 ad Mars dal 1963 dū pulisiòt dal Dipartimènt ad Pulisìa ad Los Angeles, Karl Francis Hettinger (John Savage) e Ian James Campbell (Ted Danson), i vènan purtâ via da Hollywood par dū criminài ch'i éran stâ farmâ p'r un cuntról, Greg Powell (James Woods) e Jimmy Lee Smith (Franklyn Seales), dit Youngblood (Śuvnòt).
I finìs'n in un camp ad sigóli davśèṅ a Bakersfield in dua Campbell al vèṅ masâ méntar c'l àtar al gh la cava invéci a scapàr via.
In séguit Hettinger al i fà acsè arestàr e purtàr in parśòṅ, c'n al risć p'r i dū laśaròṅ ad finìr in di bras dla mòrt. Greg e Jimmy i tàc'n a studiàr léǵ e, amprufitànd-as dal fat ch'la péna ad mòrt l'éra stada in cal méntar tiràda via in Califòrgna, i gh la càvan a far-as cavàr via di an. Ma Hettinger al taca listés a vilìr-as p'r al sèns ad cólpa e a pinsàr a masàr-as.