Heroes Del Silencio

C'l artìcul chè 'l è scrit in Miranduléś

«

Dejalo ya, no seas membrillo y permite pasar y si no piensas echar atras, tienes mucho barro que tragar. Dejame, que yo no tengo la culpa de verte caer, si yo no tengo la culpa de verte. Entre dos tierras estas, y no dejas aire que respirar.»

(ES)(Entre dos tierras, 1990)

«

Lasa pèrdar, minga far al cunfidènt, lasa pasàr e, s'at gh'à in mènt ad turnàr indrē, at gh'à da mandàr śò dimóndi śmalta. Làs-'m in paś parchè a n gh'ò minga cólpa ad véd'r-at cascàr śò, sè, a n gh'ò minga cólpa ad véd'r-at. At sē in mèś a dū tèri e ta n las briśa dl'ària da respiràr.»

(MUD)

Gl′Héroes del Silencio i èṅ un grup muśicàl rock spagnōl, aragunéś p'r èsar precìś, furmâ a Saragòsa in dal 1984. In Itâglia i èṅ dvintâ famóś in dal 1990 par via dla sò cansòṅ Entre dos tierras.

La furmasiòṅ uriginàla la gh'iva dèntar al cantànt Enrique Bunbury (al sò nóm vér 'l è Enrique Ortiz De Landázuri), al chitarìsta Juan Valdivia, al basìsta Joaquin Cardiel e al baterìsta Pedro Andreu. A partìr dal tour prumusiunàl dal disc El Espiritu Del Vino dal 1993 a s è śuntâ un secónd chitarìsta, Alan Boguslavsky. Al grup al s è mulâ in d'l Utóbar dal 1996 par pò met'r-as incóra insém in dal 2007 p'r un tour selebratìṿ.

Biugrafìa

Uriginàri ad Saragòsa, gl′Héroes del Silencio i s métan insém in dal 1984, subìt cun al nóm ad Zumo De Vidrio e cun Bunbury al bas. Dòp soquànt agiustamènt, in dal 1987 i faṅ gnir fóra 'l EP Héroe De Leyenda ch'al vénd bèṅ e ch'al gh parmìt ad ciapàr un cuntràt cun la EMI.

Al prim disc 'l è El Mar No Cesa (Al mar al n finìs minga, 1988) ma 'l è cun al secónd disc, Senderos de Traición (I sintēr di tradimènt, 1990) ch'al grup al cgnós al sucès internasiunàl, anc par via ad dū sìngui dimóndi famóś, Entre dos tierras e Maldido duende. Gl′Héroes del Silencio i làsan da na banda al tastéri e la baterìa letrònica e i sarnìsan di sòṅ più rock.

«

Amanece tan pronto, y yo estoy tan solo, y no me arrepiento de lo de ayer. Sí, las estrellas te iluminan y te sirven de guía. Te sientes tan fuerte que piensas que nadie te puede tocar.»

(ES)(Maldido duende, 1991)

«

'L è l'alba e mè a m sènt acsè da par mè, e a n m pintìs minga ad quél ch'l è sucès ajér. Sè, al stéli i s impìsan e i t cumpàgnan. Ta t sènt acsè fòrt ch'at pèns che ninsòṅ al t pòsa tucàr.»

(MUD)

In dal 1991 i partìsan p'r un tour europeo e i rìvan anc in Itâglia sunànd a 'l Festivalbar e anc dal nòstri bandi, a la Festa dl'Unità dal Partî Cumunìsta ad Mòdna al 10 ad Setémbar dal 1992.

Intóran a la fiṅ dal 1992, al grup aragunéś al tórna in studi par rigistràr un disc nóṿ, El Espiritu Del Vino (al spìrit dal vèṅ), 'n àlbum dòpi ch'al vedrà la luś in dal Śugn dal 1993. A s trata 'd un disc ambisióś e cun di sòṅ misć (da 'l rock dur a di pès ètnic), cun di sìngui dvintâ di clàsic cuma Nuestros Nombres, La Herida e Sirena Varada.

'L ùltim disc in studi 'l è Avalancha (Valànga) dal 1995, prudót par Bob Ezrin (Lou Reed, Pink Floyd, Peter Gabriel, Alice Cooper, Kiss e dimóndi àtar), un disc cun un sound più dur e dirèt ch'al gh vèra i us di Stat Unî. I sìngui ad cal lavōr lè i èṅ Deshacer El Mundo e Iberia Sumergida.

Mémbar

Enrique Bunbury vóś, chitàra, armònica
Juan Valdivia chitàra sulìsta
Joaquin Cardiel bas, côr
Pedro Andreu baterìa

Discugrafìa

Àlbum

El Mar No Cesa (1988)
Senderos de Traición (1990)
El Espíritu del Vino (1993)
Avalancha (1995)

Racòlti

Rarezas (1998)
Edición del Milenio (4 CD) (1999)
Canciones 1984-1996 (2000)
Antología Audiovisual (CD + DVD) (2004)
El Mar No Cesa Edisiòṅ Speciàla (2 CD) (2006)
Senderos de Traición Edisiòṅ Speciàl (2 CD) (2006)
El Espíritu del Vino Edisiòṅ Speciàl (2 CD) (2006)
Avalancha Edisiòṅ Speciàl (2 CD) (2006)
The Platinum Collection (CD + DVD) (2006)

dal Viṿ

En Directo (1989)
Senda '91 (1991)
Parasiempre (1996)
El ruido y la furia (2005)
Tour 2007 (2007)

EP

Héroe de Leyenda (1987)

Sìngui

Héroe De Leyenda (1987)
Héroe De Leyenda (maxi) (1987)
La Lluvia Gris (1987)
Flor Venenosa (1989)
Mar Adentro (1989)
Agosto (1989)
Fuente Esperanza (1989)
No Más Lágrimas (1989)
Entre Dos Tierras (1990)
Maldito Duende (1991)
Despertar (1991)
Con Nombre De Guerra (1991)
Maldito Duende (maxi) (1991)
Oración (1991)
Entre Dos Tierras (maxi) (1991)
Oración (maxi) (1991)
Nuestros Nombres (1993)
Nuestros Nombres (maxi) (1993)
La Herida (1993)
La Sirena Varada (1993)
Tesoro (1993)
La Sirena Varada (maxi) (1994)
Flor De Loto (1994)
Iberia Sumergida (1995)
Iberia Sumergida (maxi) (1995)
La Chispa Adecuada (1995)
La Chispa Adecuada (maxi) (1995)
Avalancha (1996)
Avalancha (maxi) (1996)
Deshacer El Mundo (1996)
Maldito Duende (1996)
Entre Dos Tierras (1996)
Apuesta Por El Rock 'n' Roll (1998)
Morir Todavía (1998)

Videugrafìa

En Directo (VHS) (1994)
Parasiempre... Los Vídeos (VHS) (1996)
Rarezas (VHS) (1998)
Antología Audiovisual (CD + DVD) (2004)
El ruido y la furia (CD + DVD) (2005)
The Platinum Collection - Los Vídeos (2 DVDs) (2005)
Rarezas (DVD) (2007)
Tour 2007 (2 DVDs) (2007)
Tesoro (DVD + lìbar futugràfic) (2008)