Hannibal (film)
|
C'l artìcul chè 'l è scrit in
Miranduléś |
 Hannibal
| ||
.png) Enrico Lo Verso in na figùra dal film | ||
| id. 2001 | ||
|---|---|---|
| Regìa: Ridley Scott | ||
| Scritōr: Thomas Harris David Mamet • Steven Zaillian | ||
| Atōr: Anthony Hopkins • Julianne Moore • Ray Liotta Gary Oldman • Frankie Faison • Giancarlo Giannini Francesca Neri • Marco Greco • Enrico Lo Verso Zeljko Ivanek • Ivano Marescotti • Fabrizio Gifuni | ||
| Müsica: Hans Zimmer | ||
| Léngua: Ingléś • Itagliàṅ • Giapunéś | ||
| Dürä dal film: 131 minüt | ||
| Nasiōṅ: Stat Unî • Itàglia • Régn Unî | ||
Hannibal (id.) 'l è 'n film ad scarésa dal 2001 ad Ridley Scott trat da 'n rumànś ad Thomas Harris.
'L è custâ utànta-sèt migliòṅ ad dòlar ma 'l è stâ bòṅ ad far-an sù da piò ad tarśènt-sinquànta.
Sunt
Al migliardàri Mason Verger (Gary Oldman) 'l è l'ùnica vitma scampàda a 'l masadōr seriàł canìbal Hannibal Lecter (Anthony Hopkins), scapâ da sèt an da na parśòṅ ad Baltimòra, ma adès al gh'à tuta la ghigna dasfurmàda dòp che lò al gh'iva fat tiràr via di pès ad carna da dar da magnàr a i caṅ. Par vindicàr-as, al decìd ad métar na taja 'd tri migliòṅ ad dòlar p'r avēr dal nutìsi su 'd lò e pò al paga na banda 'd sardagnōi criminài, specialìsta in di sequést'r ad parsòni, par tiràr sù 'n grup ad signài catìṿ par dar-ag da magnàr al sò cadàvar quànd al 'l arà ciapâ.
In cal méntar, su incàrag dal sò cap Paul Krendler (Ray Liotta), l'agìnta speciàla d'l FBI Clarice Starling (Julianne Moore), ch'l'iva laurâ sèg déś an prima par ciapàr Buffalo Bill, la taca a indagàr par capìr in du 'l pōl ès'r-'s lugâ al sasèṅ.
Hannibal, ch'adès al s fà ciamàr dutōr Fell, 'l è andâ a vìv'r in Itàglia a Firénse in dua 'l è drē a dvintàr al curadōr dla Bibliutéca Capponi. 'L ispetōr ad pulisìa Rinaldo Pazzi (Giancarlo Giannini), purtànd avànti dgl'indàśin su la sparisiòṅ dal curadōr precedènt, al fà a mènt che Fell 'l è cumpàgn a 'l latitànt signalâ da gl'americàṅ. Esénd ch'i bèsi dla taja i gh farévan pròpria còmad, anc da druàr in famìja cun sò mujēr Allegra (Francesca Neri), Rinaldo al taca a dar-ag la casa ma 'l vîṅ ciapâ prima da Hannibal ch'al 'l impìca butànd-al śò p'r al Palàs Vèć śbudlànd-al.
Turnâ in di Stat Unî, Hannibal al scampa a na trapla di óm ad Verger, pò al fà in manéra ch'al sia lò a fùnśar da magnàr p'r i sò signài. A cal punt lè al canìbal al decìd ad cavàr-as via la fam magnànd al sarvèl còt ad Krendler, dòp avēr-al lubutumiśâ e avèrt al crani.
La saga
La saga la tōś riferimènt da i rumànś ad Thomas Harris ma i film i n èṅ minga vgnû fóra in d'l órdan giùst:
- Hannibal Lecter - Le origini del male 2007, regìa ad Peter Webber
- Manhunter - Frammenti di un omicidio 1986, regìa ad Michael Mann
- Red Dragon 2002, regìa ad Brett Ratner (afracimènt ad Manhunter - Frammenti di un omicidio)
- Il silenzio degli innocenti 1991, regìa ad Jonathan Demme
- Hannibal 2001, regìa ad Ridley Scott