Halloween - La resurrezione
|
C'l artìcul chè 'l è scrit in
Miranduléś |
 Halloween: Resurrection
| ||
| Halloween - La resurrezione | ||
 La Jamie Lee Curtis in na figùra dal film | ||
| Halloween - La resuresiòṅ 2002 | ||
|---|---|---|
| Regìa: Rick Rosenthal | ||
| Scritōr: John Carpenter • Debra Hill Larry Brand • Sean Hood | ||
| Atōr: Jamie Lee Curtis • Sean Patrick Thomas Brad Loree • Katee Sackhoff • Busta Rhymes Bianca Kajlich • Daisy McCrackin • Ryan Merriman | ||
| Müsica: John Carpenter • Jen Miller Daniel Lenz • Danny Lux • Marco Beltrami | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Halloween - La resurrezione (Halloween - La resuresiòṅ) 'l è 'n film ad scarésa dal 2002 ad Rick Rosenthal, séguit di film Halloween, la notte delle streghe (1978), Halloween II - Il signore della morte (1981), Halloween III - Il signore della notte (1982), Halloween 4 - Il ritorno di Michael Myers (1988), Halloween 5 - La vendetta di Michael Myers (1989), Halloween 6 - La maledizione di Michael Myers (1995) e Halloween - 20 anni dopo (1998).
Custâ trédas migliòṅ ad dòlar, al 'n à pò fat sù da piò ad trénta-sèt.
Sunt
Mandàda a curàr-'s in dna clìnica psichiàtrica “Grace Andersen” dòp avēr tajâ la tèsta a sò fradèl Michael Myers (Brad Loree), la Laurie (Jamie Lee Curtis) l'è sicùra però ch'al n sia minga mòrt dabòṅ e difàti tri an dòp la 'l véd turnàr esénd ch'al cadàv'r in alóra 'l éra qvél 'd 'n infarmēr. La dóna la prepàra na trapla par lò ma invéci l'è lē a murìr cascànd śò da 'l téǵ.
'L an dòp soquànt studènt universitàri, Bill Woodlake (Thomas Ian Nicholas), la Donna Chang (Daisy McCrackin), la Jen Danzig (Katee Sackhoff), Jim Morgan (Luke Kirby), Rudy Grimes (Sean Patrick Thomas) e la Sara Moyer (Bianca Kajlich) i vìns'n un cuncōrs par tōr part a 'n reality show dirèt par Freddie Harris (Busta Rhymes) e par la sò amìga Nora Winston (Tyra Banks) in du a gh'è da pasàr na nòt a cà 'd Michael par capìr cuś è'l ch'al 'l à purtâ a dvintàr un sasèṅ seriàł.