Gli occhi dell'innocenza

C'l artìcul chè 'l è scrit in Miranduléś Emiliàn

Silence
Gli occhi dell'innocenza

La Daveigh Chase in na figùra dal film
Gl'òć dl'inusénsa
2002
Regìa: Tom Whitus
Scritōr: Tom Whitus
Atōr: Kristy SwansonVincent SpanoTony Todd
Vladimir KulichBruce HeinrichDaveigh Chase
Donna ThomasonLee LookBruce Boxleitner
Müsica: Jamie Howarth • Kinny Landrum
Léngua: Ingléś
Dürä dal film: 90 minüt
Nasiōṅ: Stat Unî


«
Un masamènt. Un testimòni. Òṅ fat fóra, òṅ a sém lè.»
(Tagline dal film)


Gli occhi dell'innocenza (Gl'òć dl'inusénsa), cgnusû anc cuma Silence - Il patto, 'l è 'n thriller dal 2002 scrit e dirèt par Tom Whitus.

La pelìcula l'è stada giràda c'n un budget ad sinc migliòṅ ad dòlar a 'l incìrca.

Sunt

Parchéǵ dla stasiòṅ di trêṅ 'd Kansas City (Missouri). La Rachel Pressman (Daveigh Chase), na putìna 'd nóṿ an òrfna dada in afidamènt a la Kate Sanders (Donna Thomason) e a sò marè Frank (Mark Fulks), l'è testimòni minga vduda dal masamènt c'n un tub ad piómb dal reviśōr di cònt ad Washington Peter Asner (Craig Benton) da part 'd un biónd ciamâ Josef (Vladimir Kulich), sicàri a 'l servìsi 'd Eric Crowell (Tony Todd), cunsiliér 'd un senadōr curót che Peter al ricatàva.

Par scultàr al sò paròli a riva lè la psicòluga di putèṅ Julia Craig (Kristy Swanson), èx dal detective ch'al gh'à da far luś su c'l umisìdi lè, Steve Banks (Vincent Spano). A 'l inìsi a pâr ch'al sasèṅ al sia 'n piucióś dal pòst, un sèrt Vincent (Jim Petersmith), ch'l iva catâ 'l sò arlój e 'l pòrta-fój in dal rusc, ma la Rachel la n 'l arcgnóś minga.

In séguit da 'l FBI a riva 'l agìnt Nicholas Preston (Bruce Boxleitner) a jutàr Steve in dgl'indàśin. In cal méntar Eric al s mét in cuntàt cun Josef parchè al vōl far fóra la putìna ch'l'à vdû incòśa e che dònca la prév ès'r un perìcul par lò.

Culegamènt estéran