Giovani vampire
|
C'l artìcul chè 'l è scrit in
Miranduléś |
 The Sisterhood
| ||
| Giovani vampire | ||
 La Jennifer Holland in na figùra dal film | ||
| Vampîri śōvni 2004 | ||
|---|---|---|
| Regìa: David DeCoteau | ||
| Scritōr: Jana K. Arnold | ||
| Atōr: Jennifer Holland • Storm David Newton Barbara Crampton • Michelle Borth • Scot Nicol Sara Michelle Ben Av • Justin Wilczynski Jonna Giovanna • Kate Plec • Houston Rhines | ||
| Müsica: Joe Silva | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî • Régn Unî | ||
Giovani vampire (Vampîri śōvni) 'l è 'n film ad scarésa eròtic americàṅ e britànic dal 2004 ad David DeCoteau.
Sunt
La Christine (Jennifer Holland), dòp la mòrt di sò genitōr in 'n incidènt in màchina, la s iscrìv a 'l prim an ad culéǵ in du la spartìs la cambra cun n'atra śōvna, la Reagan (Kate Plec), ch'la pénsa più che àtar a divertìr-as tut al siri. Chi lē la la cunvìns a tōr part a na fèsta 'd un grup intér'n ad fémni cmandàda par la Devin Sinclair (Michelle Borth) ciamâ Beta Alpha Tau (BAT) ch'al gh'à cuma sìmbul un papastrèl.
In séguit, durànt na lesiòṅ tgnuda par la sgnōra Miranda Masters (Barbara Crampton), la Christine la taca a manifestàr di putēr paranurmài e l'insgnànta la gh admànda 'd insfilsàr-'s in dal grup BAT par cumbàtar la Devin ch'l'è na vampîra vècia c'm al cuc ch'la dróa 'l sànguv dal vìrgin par tiràr-as via 'l pighi da la ghigna e armàgnar sèmpar śōvna.
La Christine la la tōś in paròla e la taca a far di śughlèṅ malnét cun la Devin ch'la l'insiminìs p'r andàr a lèt cun dal lèśbichi dal grup cuma la Sarah (Sara Michelle Ben Av) e la Samantha (Jonna Giovanna) anc s'al muróś la Christine la gh 'l à bèla, al nerd Josh (Storm David Newton).
In cal méntar la prufesōra Masters la strulga 'n piàṅ par far fóra la Devin cun 'l ajùt dla Christine.