Giorni felici a Clichy (film 1990)
|
C'l artìcul chè 'l è scrit in
Miranduléś |
 Jours tranquilles à Clichy
| ||
| Giorni felici a Clichy | ||
.png) L'Eva Grimaldi in na figùra dal film | ||
| Bèi dè a Clichy 1990 | ||
|---|---|---|
| Regìa: Claude Chabrol | ||
| Scritōr: Claude Chabrol • Ugo Leonzio • Henry Miller | ||
| Atōr: Andrew McCarthy • Nigel Havers • Eva Grimaldi Barbara De Rossi • Anna Galiena • Stéphane Audran | ||
| Müsica: Jean-Michel Bernard Luigi Ceccarelli • Matthieu Chabrol | ||
| Léngua: Francéś | ||
| Dürä dal film: 120 minüt | ||
| Nasiōṅ: Frància • Germàgna • Itàglia | ||
Giorni felici a Clichy (Bèi dè a Clichy) 'l è 'n film dramàtic dal 1990 ad Claude Chabrol trat da 'l lìbar biugràfic Giorni tranquilli a Clichy 'd Henry Miller bèla purtâ a 'l cìnema da na pelìcula danéśa dal 1970 ad Jens Jørgen Thorsen c'n al stés tìtul.
In dal film la figùra dal scritōr ad New York l'è interpretàda p'r Andrew McCarthy.
Sunt
Joe (Andrew McCarthy) 'l è 'n americàṅ ch'al lavóra a 'l pòsti ma 'l sò sógn 'l è far al scritōr. Un dè al decìd acsè ad partìr p'r andàr a vìv'r in dla Parì di an Trénta. In dla capitàla francéśa al cgnós un pulàc ciamâ Carl (Nigel Havers) ch'al fà 'l futógrafar e insém i s làs'n andàr a 'l visi e a la perdisiòṅ, tacànd a 'ndàr in dal caśèṅ dla madame Adrienne (Stéphane Audran) e 'd Sebastien (Wolfgang Reichmann) par gusàr dal putàni cuma la biónda Yvonne (Eva Grimaldi) o la rósa Nys (Barbara De Rossi).
Joe al cgnós anc na ragasōla 'd quìnd'ś an, la Colette (Stéphanie Cotta), e na malnéta ciuamàda Edith (Anna Galiena) ch'la gh cata gust a druàr na pistòla carga méntar la fà sès. Ma chi bèi dè lè i èṅ destinâ a finìr in présia parchè al naśìśum 'l è drē a far-as strada in Európa acsè cuma 'l òdi par gl'ebrèj. In cal mént'r al burdèl dl’Adrienne al vîṅ anc bruśâ.