C'l artìcul chè 'l è scrit in Miranduléś Emiliàn

Al Generàł Hardias


Al Generàł Hardias 'l è 'n persunàǵ d'l anime Gran Mazinga, creâ p'r al senegiadōr Gō Nagai.

Hardias 'l è òṅ di sèt generài dal Gran Maresiàl dal Demòni e prima incóra dal Generàł Négar in fiṅ tant che chi lò al mōr in un cumbatimènt a l'arma biànca cun Tetsuya Tsurugi.

Hardias, cmandànt di móstar gueriēr demunìac e di spìrit dla mòrt, al gh'à un còrp a schéltar cun tri tèsti, qvéla ch'la dascór in mèś a 'l pèt, una in cô ch'l è 'n tésć arbaltâ e na tèrsa in dla maṅ sinìstra mént'r in qvéla dèstra al tîṅ sèmpar strica na msóra. Al dróa anc di vistî tut sćiancâ 'd culōr celèst, blù e róśa.

Hardias 'l è 'l generàł ch'al farà manc misiòṅ in dla série e 'l sarà cupâ par Mazinga Z in d'l ultma puntàda dòp ch'l iva pruâ a cumbàt'r-al tirànd-'g adòs i sò òs.

In Itàglia 'l è stâ ardupiâ par Romano Ghini.