Final Destination 2
|
C'l artìcul chè 'l è scrit in
Miranduléś |
 Final Destination 2
| ||
| Final Destination 2 | ||
 Michael Landes e l'Ali Larter in na figùra dal film | ||
| Destinasiòṅ finàla 2 2003 | ||
|---|---|---|
| Regìa: David R. Ellis | ||
| Scritōr: J. Mackye Gruber Eric Bress • Jeffrey Reddick | ||
| Atōr: Ali Larter • A.J. Cook • Justina Machado Michael Landes • David Paetkau • James Kirk Keegan Connor Tracy • Lynda Boyd • Tony Todd Jonathan Cherry • Sarah Carter • Alejandro Rae | ||
| Müsica: Shirley Walker | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî • Cànada | ||
Final Destination 2 (Destinasiòṅ finàla 2) 'l è 'n film ad scarésa dal 2003 ad David R. Ellis séguit ad Final Destination dal 2000. Al gh'à abû tri séguit: Final Destination 3 dal 2006, The Final Destination 3D dal 2009 e Final Destination 5 dal 2011. 'L à fat sù da piò ad nuànta migliòṅ ad dòlar a frònt 'd un cóst ad vint-siē.
In dla pelìcula, prima 'd far 'n incidènt in autostràda, i prutagunìsta i scólt'n a la ràddio al braṅ Highway to Hell dgl'AC/DC.
Sunt
'L è pasâ 'n an da la daśgràsia dal vōl 180 e la Kimberly Corman (A.J. Cook) l'è in màchina insém a tri sò amìg p'r andàr a Daytona. Tut 'd un trat un càmion al càuśa 'n incidènt spavintóś in autostràda ma 'l è sōl un brut arbgàt e la ragàsa la s déśda c'n i śgriśōr lung la schina e 'l làgarmi in di òć tant ch'la n vōl piò andàr avànti c'n al viàś. A s fórma na cóa 'd veìcui e 'l sergînt Thomas Burke (Michael Landes) 'l órdna a la śōvna 'd dar-'g un taj e 'd calmàr-as ma a 'l impruvìś a riva 'l càmion dal sógn ch'al fà 'n masèl dabòṅ.
La Kimberly la s salva par miràcul acsè cuma 'l pulisiòt, l’Isabella Hudson (Justina Machado) ch'l'è gravda, al drugâ Rory Peters (Jonathan Cherry), la manager pîna 'd bòria Kat Jennings (Keegan Connor Tracy), al gréś Eugene Dix (Terrence 'T.C.' Carson), al migliunàri Evan Lewis (David Paetkau) e la Nora Carpenter (Lynda Boyd) cun sò fiōl Tim (James Kirk). La Kimberly, ch'la sà che quànd la mòrt l'à decìś a n gh'è gnint da far, la próa a mét'r in guàrdia al grup di scampâ ma ninsòṅ a gh dà a mènt.
Quànd piàn piàṅ la gint la taca a murìr in dal manéri più strâni ch'a s pòsa imaginàr, la Claire Rivers (Ali Larter), la sōla parsòna scampàda a 'l ciòc d'l aparéć, e 'l becamòrt William Bludworth (Tony Todd) i próan a strulgàr quèl par saltàr-'g-an fóra.