Fascisti su Marte
|
C'l artìcul chè 'l è scrit in
Miranduléś |
 Fascisti su Marte
| ||
 Corrado Guzzanti in na figùra dal film | ||
| Fasìsta su Mart 2006 | ||
|---|---|---|
| Regìa: Corrado Guzzanti • Igor Skofic | ||
| Scritōr: Corrado Guzzanti • Paola Cannatello | ||
| Atōr: Corrado Guzzanti • Andrea Purgatori • Lillo Marco Marzocca • Andrea Blarzino • Andrea Salerno | ||
| Müsica: Corrado Guzzanti • Nicola Piovani | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia | ||
Fascisti su Marte (Fasìsta su Mart) 'l è 'n film còmig itagliàṅ dal 2006 ad Corrado Guzzanti e 'd Igor Skofic nâ da di sketch dal prugràma televiśìṿ Il caso Scafroglia dal 2003.
'L è custâ 'n migliòṅ 'd euro a 'l incìrca.
Sunt
In dal 1938, durànt i an dal fasìśum, soquànti camìśi négri cmandàdi p'r al geràrca Gaetano Maria Barbagli (Corrado Guzzanti) i partìsan su 'n prutòtip 'd un raś tedésc ciamâ Repentaglia IV par cunquistàr Mart, «pianéda rós bulscevîc e traditōr», parchè l'Itàglia la gh'à tut i dirìt ad ślargàr-as, anc in verticàl. Insém a lò a gh'è anc Fecchia (Andrea Purgatori), Santodio (Andrea Blarzino), Freghieri (Marco Marzocca) e Pini (Lillo).
Rivâ a destinasiòṅ i fasìsta i càtan di giaròṅ ch'i pàran di èsar viṿ, pò i tàcan la sò campàgna 'd cunquìsta ma a n sèrt purt a riva 'n disc vulànt cun di amàśuni dèntar, na capa (Irene Ferri) e la sò jutànta (Caterina Guzzanti), ch'i gh śibìsan da magnàr e da bévar.